ரஷ்ய விஞ்ஞானி உட்பட பல பெண்களுடன் உறவு: எப்ஸ்டீன் வழக்கில் பில் கேட்ஸ் சாட்சியம்

எப்ஸ்டீன் வழக்கில் நாடாளுமன்றத்தில் சாட்சியம் அளித்துள்ள பில் கேட்ஸ், தனது மனைவிக்குத் துரோகம் இழைத்துத் தொடர்பில் இருந்த பெண்களில் இருவரின் பெயர்களை முதன்முறையாகக் குறிப்பிட்டுள்ளார்.

பல பெண்களுடன்

ஹார்வர்ட் மருத்துவப் பள்ளியில் முனைவர் பட்டம் பெற்ற மருத்துவத் துறை சார்ந்த தொழில்முனைவோரான ஆலிஸ் ஜேக்கப்ஸ் நெஸ்ல்ரோட் (Alice Jacobs Nesselrodt) என்பவருடன் தனக்குத் தொடர்பு இருந்ததை மைக்ரோசாஃப்ட் நிறுவனர் பில் கேட்ஸ் ஒப்புக்கொண்டுள்ளார்.

அத்துடன், ரஷ்ய அணுசக்தி விஞ்ஞானியான கரிமா நிக்பதுலினாவுடன் நெருக்கமானத் தொடர்பு இருந்ததையும் பில் கேட்ஸ் உறுதிப்படுத்தியுள்ளார்.

இந்த மாத தொடக்கத்தில் நடந்த விசாரணை தொடர்பான அதன் எழுத்துப்பூர்வமான பதிவு தற்போதுதான் வெளியிடப்பட்டுள்ளது. அந்த விசாரணையில், பில் கேட்ஸ் வேதனைப்படும் அளவிலான பல்வேறு கேள்விகள் கேட்கப்பட்டுள்ளது.

பாலியல் ரீதியாகப் பரவும் நோய் ஏதேனும் அவருக்கு இருந்ததா என்பது போன்ற மிகவும் தனிப்பட்ட கேள்விகள் கேட்ஸிடம் கேட்கப்பட்டன.

கனேடிய நகரமொன்றை நடுங்க வைத்த சம்பவம்... தாக்குதல் நடத்தியவரின் அதிரவைக்கும் கோரிக்கை

கேட்ஸ் கூறியுள்ளதன் அடிப்படையில், பல பெண்களுடன் தனக்குத் தொடர்பு இருந்ததை அவர் இரண்டு முறை ஒப்புக்கொண்ட போதிலும் (அதில் முதல் ஒப்புதல் 2010-க்குச் சற்று முந்தைய காலகட்டத்தில் நிகழ்ந்தது), அவரது முன்னாள் மனைவி மெலிண்டா அவருடனேயே இருந்துள்ளார்.

மேலும், எப்ஸ்டீனுடனான உறவு காரணமாகவே, 27 ஆண்டுகால திருமண வாழ்க்கைக்குப் பிறகு 2021-இல் மெலிண்டா அவரை விவாகரத்து செய்ய முடிவு எடுத்துள்ளார்.

குழந்தைகளைச் பாலியல் ரீதியாகத் துன்புறுத்தியதற்காகப் பதிவு செய்யப்பட்ட பாலியல் குற்றவாளியாக அடையாளப்படுத்தப்பட்ட பின்னரும் எப்ஸ்டீனுடன், பில் கேட்ஸ் பல ஆண்டுகளாகத் தொடர்ந்து நட்பில் இருந்தார்.

எப்ஸ்டீனுடனான நட்புக்காக

எப்ஸ்டீன் தனது உயிரை மாய்த்துக்கொண்டதன் பிறகு, கேட்ஸ் அவர்களுடனான நட்புக்காகப் பலமுறை மன்னிப்புக் கோரியதோடு, ஜூன் 10ஆம் திகதி காங்கிரஸில் ஆஜரானபோது, ​​தாங்கள் இருவரும் ஒருபோதும் சந்தித்திருக்கவே கூடாது என்று விரும்புவதாகவும் கூறியுள்ளார்.

நாடாளுமன்றத்தில் நடந்த விசாரணையில், திருமணத்திற்குப் புறம்பான மூன்று உறவுகள் இருந்ததை கேட்ஸ் ஒப்புக்கொண்டார்; அவற்றில் முதலாவது டாக்டர் ஜேக்கப்ஸுடனான உறவாகும்.

மேலும், ரஷ்ய அணுசக்தி விஞ்ஞானியான கரிமா நிக்பதுலினாவுடன் லண்டனில் வைத்து உறவு கொண்டதாகவும் கேட்ஸ் வெளிப்படுத்தியுள்ளார்.

டாக்டர் ஜேக்கப்ஸுடனான உறவு 2010 ஆம் ஆண்டுக்கு முன்பே தொடங்கியதாகவும் கேட்ஸ் தெரிவித்துள்ளார். டாக்டர் ஜேக்கப்ஸ் 2009 அக்டோபரில் முதன்முதலில் எப்ஸ்டீனுடன் தொடர்புகொண்டதாகக் குழு உறுப்பினர்கள் கேட்ஸிடம் கூறியுள்ளனர்.

பாலியல் ரீதியாகப் பரவும் நோய் ஏதேனும் அவருக்கு இருந்ததா என்பது போன்ற கேள்விகளுக்கு பதிலளித்துள்ள கேட்ஸ், தமது அப்படியான நோய் ஏதும் இல்லை என அவர் பதிலளித்துள்ளார்.