வெறும் 15 டொலர் செலவில் 2.5 பில்லியன் டொலர் கிரிப்டோ திருட்டு - Binance ஹேக்கில் அதிர்ச்சியூட்டும் புதிய தகவல்

Binance Hack: 2.5 Bn crypto theft cost only 15 dollars: உலகின் மிகப்பெரிய கிரிப்டோகரன்சி பரிவர்த்தனை தளமான Binance மீது கடந்த வாரம் நடத்தப்பட்ட மிகப்பெரிய சைபர் தாக்குதல் குறித்து புதிய தகவல்கள் வெளியாகியுள்ளன.

வெறும் 15 டொலர் செலவில் 2.5 பில்லியன் டொலர் கிரிப்டோ திருட்டு

இந்த தாக்குதலில் மொத்தமாக சுமார் 6.3 பில்லியன் அமெரிக்க டொலர் மதிப்புள்ள கிரிப்டோ சொத்துகள் திருடப்பட்ட நிலையில், அதில் 2.5 பில்லியன் டொலர் மதிப்புள்ள சொத்துகளை ஒரே பரிவர்த்தனையில் கைப்பற்ற ஹேக்கர்கள் வெறும் 15 டொலர் மட்டுமே செலவிட்டுள்ளனர் என தகவல்கள் தெரிவிக்கின்றன.

பிளாக்செயின் பாதுகாப்பு நிறுவனமான Blockaid மேற்கொண்ட ஆய்வின் படி, ஹேக்கர்கள் Ethereum பிளாக்செயினில் உள்ள ஒரு புதிய வசதியை தங்கள் தாக்குதலுக்குப் பயன்படுத்தியுள்ளனர்.

இந்த வசதி கிரிப்டோ wallets சார்பாக மென்பொருட்கள் பணத்தை மாற்ற அனுமதி வழங்குகிறது. ஹேக்கர்கள் நெட்வொர்க் கட்டணமாக சுமார் 15 டொலர் செலுத்தி இந்த அனுமதியை அமைத்து, பின்னர் ஒரே நேரத்தில் 2.5 பில்லியன் டொலர் மதிப்புள்ள சொத்துகளை மாற்றியுள்ளனர். இது மொத்த திருடப்பட்ட தொகையில் சுமார் 40 சதவீதமாகும்.

ரூ.1 கோடியில் உருவான இராவணன் சிம்மாசனம்: 24 காரட் தங்க அலங்காரம் - ராமாயணம் படக்குழுவின் பிரம்மாண்ட சாதனை

சிக்கலான தாக்குதல்

Binance வெளியிட்ட விளக்கத்தில், போலியான வேலைவாய்ப்பு அறிவிப்புகளின் மூலம் ஒரு பொறியாளரை ஏமாற்றி, தீங்கிழைக்கும் மென்பொருளை பதிவிறக்கம் செய்ய வைத்ததாக கூறப்பட்டுள்ளது. இது சமூகப் பொறியியல் (Social Engineering), கைப்பற்றப்பட்ட சாதனங்கள் மற்றும் செயற்கை நுண்ணறிவு நுட்பங்கள் ஆகியவற்றை உள்ளடக்கிய பல கட்டங்களைக் கொண்ட சிக்கலான தாக்குதல் என நிறுவனம் தெரிவித்துள்ளது.

ஹேக்கர்கள் பின்னர் வாடிக்கையாளர்களின் பணப்பரிவர்த்தனைகளை செயல்படுத்த பயன்படுத்தப்படும்"Binance 14" ஹாட் வாலெட்டை குறிவைத்தனர்.

கூகுள் உருவாக்கிய 5 பில்லியனர்கள் - இருவரிடம் மட்டும் குவிந்துள்ள 93 சதவீத செல்வம்

சாதாரணமாக இத்தகைய பெரும் அளவிலான சொத்துகளை மாற்ற பல தனித்தனி பரிவர்த்தனைகள் தேவைப்படும். ஆனால் Ethereum-இன் EIP-7702 என்ற மேம்படுத்தல் காரணமாக பல நடவடிக்கைகளை ஒரே பரிவர்த்தனையில் இணைத்து செயல்படுத்த முடிந்தது.

இதுவே பாதுகாப்பு கண்காணிப்புகளைத் தவிர்க்க ஹேக்கர்களுக்கு உதவியதாக கூறப்படுகிறது. இந்த சம்பவம் கிரிப்டோ உலகின் பாதுகாப்பு சவால்கள் குறித்து மீண்டும் கேள்விகளை எழுப்பியதுடன், புதிய தொழில்நுட்ப வசதிகள் தவறான கைகளில் எவ்வளவு ஆபத்தாக மாறக்கூடும் என்பதையும் வெளிப்படுத்தியுள்ளது.

ரிலையன்ஸ் அனில் அம்பானி குழுமத்தின் ரூ.510 கோடி சொத்துகள் மேலும் முடக்கம்