லங்காசிறி FM
கனேடிய நிறுவனமொன்றின் பாண் பொருட்களில் உலோகத் துகள்கள்., மீட்பு நடவடிக்கையில் FDA
கனடாவில் பிரபல உணவுப் பொருள் தயாரிப்பு நிறுவனத்தின் பாண் வகைகளை சந்தையிலிருந்து மீட்க FDA நடவடிக்கை எடுத்துவருகிறது.
அமெரிக்க உணவு மற்றும் மருந்து நிர்வாகம் (FDA) கடந்த மாதம் கனேடிய உணப்பொருள் தயாரிப்பாளரான Stuyver's Bread தயாரித்த இரு பாண் பொருட்கள் மீட்பு செய்யப்பட்டுள்ளதை அறிவித்துள்ளது.
இந்த இரண்டு பாண் வகைகளில் உலோகத் துகள்கள் கலந்திருக்க வாய்ப்புள்ளதால், இந்த மீட்பு நடவடிக்கைக்கு FDA இரண்டாவது உயர்வான Class II வகை அபாய எச்சரிக்கை அளித்துள்ளது.
இந்த மீட்பு நடவடிக்கை நவம்பர் 13-ஆம் திகதி தொடங்கப்பட்டது.
கலப்படமான பொருட்கள் Pull Apart Holiday Rolls மற்றும் Artisan Multigrain Baguette ஆகிய இரண்டு பாண் பொருட்களாகும்.
இந்த தயாரிப்புகள் கலிபோர்னியா, கனெக்டிகட் மற்றும் வாஷிங்டனில் விற்பனை செய்யப்பட்டுள்ளன. மொத்தம் 1,777 பொருட்கள் சந்தையில் இருந்து திரும்ப பெறப்பட்டுள்ளன.
உலோகத் துகள்களின் அபாயம்
உடலில் உலோகத் துகள்கள் புகுந்தால், உணவுக் குழாய், வயிறு மற்றும் குடல்களில் கீறல்கள் அல்லது குத்துதல்கள் ஏற்படலாம்.
துகள்கள் தொண்டையில் சிக்கிக்கொள்வதோடு, பற்களையும் சேதப்படுத்தும் அபாயம் உள்ளது.
மேலும், மெட்டல் துகள்கள் உடலுக்குள் நோய்க்கிருமிகளை கொண்டு செல்லும் வாய்ப்பும் உண்டு.
FDA-வின் அறிவிப்பு
FDA கிளாஸ் II வகை மீட்பை, "தற்காலிக அல்லது மருத்துவமுறையில் சரிசெய்யக்கூடிய தீவிரத்தைக் கொண்டது, ஆனால் மிகுந்த அபாயம் இல்லாதது" என வரையறுக்கிறது.
0.3 இன்ச் முதல் 1 இன்ச் வரை நீளமான மெட்டல் துகள்களை கொண்ட தயாரிப்புகளுக்கு FDA தடை விதிக்கும்.
வாடிக்கையாளர்களுக்கு வழிகாட்டுதல்
மீட்பு நடவடிக்கை இன்னும் நடைமுறையில் உள்ளதாக FDA தெரிவித்துள்ளது.
உலோகத்துகள்கள் கலந்ததாக சந்தேகிக்கப்படும் பொருட்களை திருப்பி அளிக்கவோ, ஒழிக்கவோ வாடிக்கையாளர்கள் அறிவுறுத்தப்படுகிறார்கள்.
மேலும் தகவலுக்கு Stuyver's Inc-ன் Consumer Service-ஐ 604-607-7760 என்ற எண்ணில் தொடர்பு கொள்ளலாம் அல்லது FDA இணையதளத்தை பார்வையிடலாம்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
புங்குடுதீவு 6ம் வட்டாரம், புங்குடுதீவு 3ம் வட்டாரம், Southgate, United Kingdom
08 Mar, 2016
நெடுந்தீவு மேற்கு 4ம் வட்டாரம், நெடுந்தீவு, பிரான்ஸ், France, London, United Kingdom, நல்லூர்
09 Feb, 2026
Ittavil, எழுதுமட்டுவாள், திருகோணமலை, London, United Kingdom
07 Mar, 2023
புங்குடுதீவு 11ம் வட்டாரம், புங்குடுதீவு 3ம் வட்டாரம், London, United Kingdom
08 Mar, 2021
ஆனையிறவு, புளியம்பொக்கணை, வவுனியா, கிளிநொச்சி, Argenteuil, France
02 Mar, 2026
