லங்காசிறி FM
West Indies வரலாற்று வெற்றி., ஆனந்த கண்ணீரில் ஜாம்பவான் பிரையன் லாரா
Ragavan
in கிரிக்கெட்
அவுஸ்திரேலிய அணிக்கு எதிரான மேற்கிந்திய தீவுகள் அணியின் வரலாற்று வெற்றியால் ஜாம்பவான் பிரையன் லாரா ஆனந்த கண்ணீரில் திகைத்தார்.
அவுஸ்திரேலியாவில் சுற்றுப்பயணம் மேற்கொண்டுள்ள மேற்கிந்திய தீவுகள் (West Indies) அணி, ஞாயிற்றுக்கிழமை Brisbane-னின் Gabba மைதானத்தில் நடந்த டெஸ்டில் 8 ஓட்டங்கள் வித்தியாசத்தில் வெற்றி பெற்று வரலாற்று வெற்றி பெற்றது.
கடுமையான எதிரணியான அவுஸ்திரேலியாவுக்கு கரீபியன் வீரர்கள் அதிர்ச்சி அளித்தனர்.
ஏனெனில், ஏறக்குறைய மூன்று தசாப்தங்களுக்குப் பிறகு, அவுஸ்திரேலியாவுக்கு எதிராக மேற்கிந்தியத் தீவுகள் வென்றதால் அணியின் துடுப்பாட்ட வீரர்களும் முன்னாள் வீரர்களும் உணர்ச்சிவசப்பட்டனர்.
வர்ணனை பெட்டியில் வெஸ்ட் இண்டீஸ் ஜாம்பவான் பிரையன் லாரா (Brian Lara) இந்த வெற்றியால் மகிழ்ச்சி அடைந்தார்.
வர்ணனை செய்யும் போது கண்களில் கண்ணீர் வழிந்தது. அவுஸ்திரேலியாவைத் தோற்கடித்த வீரர்களின் ஆட்டத்தில் வெற்றியின் மகிழ்ச்சியும் பெருமிதமும் அவரது கண்களில் மின்னியது.
Brian Lara in tears. WI must rise again. pic.twitter.com/9PyXt41tI9
— Trendulkar (@Trendulkar) January 28, 2024
கப்பாவில் முடிவடைந்த இந்தப் போட்டியில் இயன் ஸ்மித் (Ian Smith) மற்றும் ஆடம் கில்கிறிஸ்ட் (Adam Gilchrist) ஆகியோருடன் பிரையன் லாராவும் வர்ணனைப் பெட்டியில் இருந்தார்.
அவுஸ்திரேலியா வெற்றிக்கு 12 ஓட்டங்கள் தொலைவில் இருந்தபோது ஷெமர் ஜோசப் (Shamar Joseph) 51வது ஓவரை வீசினார். முதல் பந்தில் ஸ்மித் ஓட்டம் ஏதும் எடுக்கவில்லை. பின்னர் மூன்று பந்துகளில் மூன்று ஓட்டங்கள் எடுக்கப்பட்டன.
Perfect end for a deserving player 💥 pic.twitter.com/uPHTGW3f33
— Trendulkar (@Trendulkar) January 28, 2024
ஹேசில்வுட் ஐந்தாவது பந்தை ஆஃப்ஸ்டம்பை நோக்கி விட்டார். ஆஃப் ஸ்டம்ப் வெளியே பறந்தது.
வர்ணனை பெட்டியில் இருந்த லாரா, தன் கண்களையே நம்ப முடியாதது போல் அதிர்ச்சி அடைந்தார். அங்கிருந்த கில்கிறிஸ்ட்டை கட்டி அணைத்தார், கண்கள் கலங்கியபடி West Indies அணியின் வரலாற்று வெற்றியை அறிவித்தார்.
வெஸ்ட் இண்டீஸ் கிரிக்கெட்டின் ஏற்ற தாழ்வுகளுக்கு லாரா ஒரு சிறப்பு சாட்சி. லாரா 1990களில் நுழைந்தபோது, வெஸ்ட் இண்டீஸ் இன்னும் உலக கிரிக்கெட்டில் ஆபத்தான அணியாக இருந்தது. வெஸ்ட் இண்டீஸ் ஜாம்பவான்களின் அடிச்சுவடுகளைப் பின்பற்றிய லாரா, அதன்பின் அந்த அணியின் வீழ்ச்சியைக் கண்டார்.
கடந்த பதினைந்து ஆண்டுகளாக வெஸ்ட் இண்டீஸ் வீரர்கள் தேசிய அணிக்கு பதிலாக ஃப்ரான்சைஸிகளுக்காக விளையாடுவதைக் கண்டு வருத்தமடைந்த லாரா, இந்த வெற்றியால் நெகிழ்ந்தார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
AUS vs WI 2nd Test, Shamar Joseph, West Indies, Legend Brian Lara, Brian Lara tears, West Indies historic victory
Kuala Lumpur, Malaysia, உடுவில், கொழும்பு, Brampton, Canada
25 Mar, 2025
கோண்டாவில் கிழக்கு, கொழும்பு, New Jersey, United States, Winnipeg, Canada
28 Mar, 2025
மானிப்பாய், கொக்குவில், மட்டக்களப்பு, அண்ணா நகர், India, London, United Kingdom
27 Mar, 2025
யாழ் கோண்டாவில் வடக்கு, Jaffna, Ilford, United Kingdom, Birmingham, United Kingdom
04 Mar, 2025
ஏழாலை, யாழ்ப்பாணம், Bad Marienberg, Germany, Hayes, United Kingdom
31 Mar, 2025
