முன்னாள் காதலர்கள் அனைவரையும் திருமணத்திற்கு அழைத்த மணப்பெண்! சங்கடமாக உணர்ந்த தருணம்
சீனாவில், பெண் ஒருவர் தனது திருமண விழாவிற்கு தனது முன்னாள் காதலர்கள் அனைவரையும் அழைத்து ஒரே மேசையில் அமரவைத்த வேடிக்கையான சம்பவம் நடந்துள்ளது.
முன்னாள் காதலர்கள்
திருமணத்தில் மணமகளின் முன்னாள் காதலர்கள் கலந்து கொண்ட ஒரு வீடியோ சீன சமூக ஊடக தளங்களில் வைலாகிவருகிறது.
இந்த வீடியோவில், "முன்னாள் காதலர்களுக்கான மேசை' என்று அட்டை வைக்கப்பட்ட மேசை ஒன்றில் குறைந்தது ஐந்து ஆண்கள் அமர்ந்திருப்பதைக் காணலாம்.
Picture: Asiawire/Australscope
தைரியமான செயல்
அனைவரும் ஒவ்வொரு காலகட்டத்தில் மணப்பெண்ணின் முன்னாள் காதலர்கள் என்பதால், ஒரே மேசையில் அருகருகே உட்கார்ந்திருக்கும் போது ஒருவருக்கொருவர் சங்கடமாக உணர்ந்துள்ளனர்.
அவர்களுடன் ஒரு பெண்ணும் காணப்பட்டார். அவர் அந்த 5 ஆண்களில் ஒருவரது மனைவியாகவோ காதலியாகவோ இருக்கலாம் என கூறப்படுகிறது.
முன்னாள் காதலர்கள் அனைவரும் ஒரே மாதிரியாக இருப்பதாக சிலர் நினைத்தாலும், எல்லோரும் தங்கள் முன்னாள் காதலியின் திருமணத்திற்கு வந்து பங்கேற்றுள்ளது ஒரு தைரியமான செயல் என பலரும் கருத்து தெரிவித்தனர்.
சில இணையவாசிகள் இது மணப்பெண்ணின் "பொருத்தமற்ற" மற்றும் "மரியாதையற்ற" செயல் என்று கூறியுள்ளனர்.