19 வயது இளம்பெண் மீது ஆசைப்பட்ட பிரித்தானியர்... சபலத்தால் பறிபோன உயிர்

19 வயதுப் பெண் மீது ஆசைப்பட்ட பிரித்தானியர் ஒருவர் சபலத்தால் உயிரிழந்த சம்பவம் ஒன்று துருக்கியில் நிகழ்ந்துள்ளது.

பணம் பறிக்க திட்டம் தீட்டிய கூட்டம்

Murat Arpapay (57) என்னும் பிரித்தானியருக்கு Ersen Basak என்னும் துருக்கி நாட்டவர் இணையம் வாயிலாக நண்பராகியிருக்கிறார். Muratஇடம் நிறைய பணம் இருப்பதை தெரிந்துகொண்ட Ersen, அதைக் கொள்ளையடிக்கத் திட்டமிட்டுள்ளார். அதற்காக தனது தோழிகளான Serpil Demir மற்றும் Muhterem Percikli (19) என்பவர்களின் உதவியை நாடியுள்ளார்.

Murat துருக்கிக்கு குடிபெயர்ந்த பின், Ersen அவரை தனது காபி ஷாப்புக்கு அழைத்துச் சென்றுள்ளார். அங்கு Muratஐயும் Percikliயையும் சந்திக்க வைக்க, இருவரும் நண்பர்களாகி, பின் காதலர்களாகியுள்ளனர்.

Credit: Newsflash

Murat, 19 வயது காதலி கிடைத்த மகிழ்ச்சியில் இருக்க, அது தன்னைக் கொள்ளையடிக்கப் பின்னப்படும் சதிவலை என்பது தெரியாமல் வலையில் வீழ்ந்துள்ளார் Murat.

பொலிசாரை அழைத்த பொதுமக்கள்

இந்நிலையில், Murat இன் வீட்டில் காற்று வருவதற்காக அமைக்கப்பட்ட திறப்பில் உயிரற்ற உடல் ஒன்று கிடப்பதைக் கண்ட அக்கம்பக்கத்தவர்கள் பொலிசாருக்கு தகவலளித்துள்ளார்கள்.

பொலிசார் வந்து பார்க்கும்போது, Murat உயிரிழந்து கிடப்பது தெரியவந்துள்ளது. அவரது உடலில் காயங்கள் எதுவும் இல்லாத நிலையில், உடற்கூறு ஆய்வில் அவரது உடலில் ஊசி மூலம் விஷம் ஏற்றப்பட்டது தெரியவந்துள்ளது.

Credit: Newsflash

CCTV கமெரா காட்சிகளை ஆராய்ந்த பொலிசார், Muratஉடன் அவரது வீட்டுக்கு Percikli வருவதை கண்டுபிடித்துள்ளனர். அதைத் தொடர்ந்து Percikli கைது செய்யப்பட, விடயம் வெளிவந்துள்ளது.

Percikliயை வைத்து ஆசை காட்டி, சபலப்பட்ட Muratஐ ஏமாற்றி, அவரிடம் பணம் பறிக்க ஒரு கூட்டமே நீண்ட நாட்களாக திட்டமிட்டது விசாரணையில் தெரியவந்துள்ளது. அதன்படி, Percikliயின் முன்னிலையில், Demir, அவரது கணவரான Sariyildiz மற்றும் Fatih Erginoglu ஆகியோர், Muratஐ நாற்காலி ஒன்றில் கட்டிவைத்து, ஊசி மூலம் நச்சுப்பொருள் ஒன்றை அவரது உடலுக்குள் செலுத்தி, அவரைக் கொன்று, அவரது உடலை காற்று வரும் திறப்பில் போட்டுச் சென்றுள்ளரகள்.

Murat க்கு ஆசை காட்டி ஏமாற்றிய Percikliயும், அவரது கூட்டாளிகளில் ஒருவரான Demir என்ற பெண்ணும் கைது செய்யப்பட்டுள்ளனர். பொலிசார் அவர்களிடம் விசாரணை மேற்கொண்டு வருகிறார்கள்.

வீடியோவை காண