பிரித்தானியாவின் MI6யில் ரஷ்ய உளவாளி! 20 ஆண்டுகள் தேடுதல் வேட்டை..வெளியான ரகசியம்

MI6 உளவு அமைப்பில் ரஷ்யா உளவாளி இருப்பதாகவும், அவரை பிரித்தானியா பல தசாப்தங்களாக தேடி வருவதாகவும் தெரிய வந்துள்ளது.

ஒரு மூத்த MI6 அதிகாரி ரஷ்யாவுக்காக உளவு பார்த்ததாக அச்சம் எழுந்தது. அதனைத் தொடர்ந்து உணர்திறன் வாய்ந்த உள் விசாரணைகளில் ஒன்றை பிரித்தானியாவின் உளவுத்துறை சேவைகள் இரகசியமாகத் தொடங்கின. தற்போது அந்த விடயம் வெளிப்பட்டுள்ளது. 

பிரித்தானியாவில் நிகழ்ந்த கோர மரச்சரிவு: பறிபோன 7 வயது சிறுமி உயிர்!

பிரித்தானியாவின் உள்நாட்டு பாதுகாப்பு நிறுவனமான MI5 தலைமையில் முன்னெப்போதும் இல்லாத விசாரணை நடத்தப்பட்டது. இந்த விசாரணையானது 2010ஆம் ஆண்டுவரை கிட்டத்தட்ட இரண்டு தசாப்தங்களாக நீடித்ததாக அறியப்படுகிறது.

"Operation Wedlock" என்ற குறியீட்டுப் பெயரிடப்பட்ட இந்த இரகசியப் பணி, 1990களின் நடுப்பகுதியில் இருந்து பிற்பகுதி வரை,லண்டனை தளமாகக் கொண்ட ஒரு பிரித்தானிய உளவுத்துறை அதிகாரி, கிரெம்ளினுக்கு இரகசிய தகவல்களைக் கசியவிட்டதாகக் கூறப்பட்டது.

அமெரிக்காவின் புலனாய்வு அமைப்பான சி.ஐ.ஏ இந்த தகவலை கூறியிருக்கிறது. அதன் பின்னர் இந்த தேடுதல் வேட்டை தொடங்கப்பட்டிருக்கிறது.

இந்த விசாரணையின் மையத்தில் பெயர் குறிப்பிடப்படாத ஒரு MI6 அதிகாரி இருந்துள்ளார். அவர் அமெரிக்க உளவுத்துறையால் "சந்தேக நபர் 1A" என்று அடையாளம் காணப்பட்டார். அவர் இரட்டை முகவர் என்று நம்பப்பட்டது.

இந்த விவகாரம் குறித்து முதலில் கார்டியன் பத்திரிகை செய்தி வெளியிட்டது. அதன்படி, இந்த நடவடிக்கையில் கண்காணிப்பு நிபுணர்கள், ஆய்வாளர்கள் மற்றும் திட்டமிடுபவர்கள் உட்பட 35 MI5 அதிகாரிகள் வரை அணி திரட்டப்பட்டனர். 

அதன் பின்னர் உளவுத்துறை குழுக்கள் உலகளாவிய நடவடிக்கைகளை மேற்கொண்டன. இதில் மத்திய கிழக்கிற்கான ஆபத்தான பணியும் அடங்கும்.

அங்கு MI5 அதிகாரிகள் ஒப்புதல் இல்லாமல் செயல்பட்டனர். அவர்கள் கண்டுபிடிக்கப்பட்டிருந்தால், அது சர்வதேச சட்டத்தை மீறியதாக நடவடிக்கை எடுக்கப்பட்டிருக்கும்.

ஆபரேஷனில் ஆரம்ப கட்டத்தில் FSB என்ற ரஷ்யாவின் உளவுத்துறை நிறுவனம் இருந்துள்ளது. அதனை தலைமை தங்கியது விளாடிமிர் புடின்.

இது ஆபத்துகளை அதிகரித்தது மற்றும் மீறலின் சாத்தியமான ஆழம் குறித்த அம்சங்களை அதிகரித்தது. 

இதன் காரணமாக இரகசியம் காப்பாற்றப்பட, அரசாங்க அலுவலகங்களில் இருந்து விலகி சில MI5 அதிகாரிகளுக்கு ஒரு தேவாலயத்தில் ஆபரேஷன் குறித்து விளக்கப்பட்டுள்ளது.

Operation Wedlockயின் கால அளவு இருந்தபோதிலும், சந்தேகத்திற்குரிய அதிகாரி மாஸ்கோவிற்கு இரகசியங்களை அனுப்பியுள்ளாரா என்பதை MI5ஆல் நிரூபிக்க முடியவில்லை.

2015ஆம் ஆண்டு வாக்கில், கேள்விக்குரிய அதிகாரி ஏற்கனவே MI6ஐ விட்டு வெளியேறியிருக்கிறார் என்பது தெரிய வந்தது.