லங்காசிறி FM
கனடாவில் ஒரே குடும்பத்தைச் சேர்ந்த 4 பேர் மர்ம இறப்பு! காவல்துறை விசாரணை
கனடாவின் Harrow நகரில் ஒரே குடும்பத்தை சேர்ந்த 4 பேர் உயிரிழந்து இருப்பது சோகத்தை ஏற்படுத்தியுள்ளது.
ஒரே குடும்பத்தை சேர்ந்த 4 பேர் பலி
கனடாவின் Harrow என்ற சிறிய நகரில் (வியாழக்கிழமை மதியம்) ஒரே குடும்பத்தைச் சேர்ந்த நான்கு பேர் உயிரிழந்த சம்பவம் அதிர்ச்சியை ஏற்படுத்தியுள்ளது.
வியாழக்கிழமை 1:30 மணி அளவில் County Road 13 என்ற இடத்தில் உள்ள வீட்டிற்கு அழைக்கப்பட்ட காவல்துறையினர் அங்கு நான்கு உடல்களைக் கண்டறிந்தனர்.
Ontario Provincial Police (OPP) குற்ற விசாரணை நடத்தி வருகிறது. குடும்பத்தினர் அடையாளம் மற்றும் இறப்புக்கான காரணம் இன்னும் உறுதிப்படுத்தப்படவில்லை.
இருப்பினும், பொதுமக்களுக்கு எந்த பாதுகாப்பு அச்சுறுத்தலும் இல்லை என்றும் உறுதிப்படுத்தியுள்ளனர்.
இறப்புக்கான காரணத்தை கண்டறிய பிரேத பரிசோதனை (Autopsy) லண்டனில் நடத்தப்படவுள்ளது.
உயிரிழந்தவர்கள் இளம் தம்பதியும், அவர்களது மகனும், மகளும் ஆவர் என்று Harrow நகர மேயர் தெரிவித்தார்.
சோகத்தில் நகரம்
இந்த சம்பவத்தால் நகரமே சோகத்தில் மூழ்கியுள்ளது, நகர சபைக் கட்டடங்களில் கொடிகள் அரைக்கம்பத்தில் பறக்கவிடப்பட்டுள்ளன.
மேலும், ஞாயிற்றுக்கிழமை மாலை Harrow சாக்கர் மைதானத்தில் மெழுகுவர்த்தி ஏந்தும் நிகழ்வு ஏற்பாடு செய்யப்பட்டுள்ளது.
மேலும் தகவல் இருப்பவர்கள் காவல்துறையினரை தொடர்பு கொள்ள வேண்டும் என்று கேட்டுக் கொள்ளப்பட்டுள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
ஊர்காவற்றுறை, Biel/Bienne, Switzerland, கொழும்பு, யாழ்ப்பாணம், வேலணை
17 Mar, 2025
