இந்திய நிறுவனங்களின் கணினி அமைப்புகளை ஹேக் செய்த AI; CERT-In தீவிர எச்சரிக்கை

cert in warn ai agents access indian firms confidential data:இந்திய நிறுவனங்களின் கணினி அமைப்புகளுக்குள் AI ஊடுருவி ரகசிய தகவல்களை அணுகியதாக CERT-In தீவிர எச்சரிக்கை விடுத்துள்ளது.

ஹேக் செய்யும் AI

AI கட்டுப்பாடற்ற முறையில் வளர்ந்து வருவதாக சமீபகாலமாக AI நிபுணர்கள் எச்சரிக்கை விடுத்தது வருகின்றனர். 

கடந்த மாதம் அவுஸ்திரேலிய அரசின் இணையதளங்களுக்குள் ஓபன் ஏஐ நிறுவனத்தின் ஏஐ முகவர்கள் நுழைந்து ஹேக்கிங் செய்ததை அந்நாட்டு பிரதமர் அறிவித்து கண்டனங்களை பதிவு செய்திருந்தார்.

அதைத்தொடர்ந்து அமெரிக்க அரசின் சில இணையதளங்களையும் ஏஐ முகவர்கள் அத்துமீறி அணுகியதாக கூறப்பட்டது.

இந்திய நிறுவனங்களில் ஊடுருவிய AI

தற்போது, ஏஐ முகவர்கள் சில இந்திய நிறுவனங்களின் கணினி அமைப்புகளை ஹேக் செய்து அதன் ரகசிய தரவுகளை படித்துள்ளதாக இந்தியாவின் முதன்மை சைபர் பாதுகாப்பு அமைப்பான CERT-In தீவிர எச்சரிக்கை அறிக்கையை வெளியிட்டுள்ளது. 

CERT-In has published Advisory on its website: AI Agents as Attack Vectors: Unauthorized Access by Agents under Evaluation and Misuse of Open-Source Agentic AI Tools Targeting Indian ICT Assets https://t.co/oYv3CSMx6c

— CERT-In (@IndianCERT) October 16, 2026

2 வழிகளில் இந்தத் தரவு மீறல்கள் நடந்துள்ளதாக CERT-In அறிக்கையில் தெரிவித்துள்ளது.

முதல் பிரிவில், ஆராய்ச்சி மற்றும் மதிப்பீட்டிற்கு உட்படுத்தப்பட்ட தன்னாட்சி AI மாதிரிகள் மற்றும் முகவர்கள், தங்களுக்கு ஒதுக்கப்பட்ட பணிகளின் அங்கீகரிக்கப்பட்ட வரம்பை மீறி, இந்திய நிறுவனங்களுக்குச் சொந்தமான இயங்கும் கணினி அமைப்புகளை அணுகியுள்ளது. 

அந்த அமைப்புகள், அணுகல் உரிமைகளையும் இணைப்பு உள்ளமைவுகளையும் பெறுவதற்காகக் குறைபாடுகளைப் பயன்படுத்திக்கொண்டதாகவும், அதன் மூலம் தங்களின் அங்கீகரிக்கப்பட்ட வரம்பிற்கு வெளியே இருந்திருக்க வேண்டிய வளங்களை அணுக முடிந்ததாகவும் CERT-In தெரிவித்துள்ளது.

இதன் மூலம், தனிப்பட்ட தரவுகள் மற்றும் இரகசிய ஆவணங்கள் உள்ளிட்ட வணிகப் பதிவேடுகளைப் படிக்க வழிவகுத்தது.

பாதிக்கப்பட்ட நிறுவனங்கள் இந்தச் செயல்பாட்டைத் தாங்களாகவே கண்டறியவில்லை எனவும், செயற்கை நுண்ணறிவு மாதிரி வழங்குநர்களால் தாமாக முன்வந்து தெரிவிக்கப்பட்ட பின்னரே நிறுவனங்களுக்கு தெரிய வந்ததாகவும் தெரிவித்துள்ளது. 

ரோபோவிற்கு துணி மடிக்க கற்று கொடுத்து மாதம் ரூ.85,000 வருமானம்

இரண்டாவதாக, ஹேக்கர்கள் திறந்த மூல முகவர் செயற்கை நுண்ணறிவு கருவிகளைப் பயன்படுத்திய திட்டமிட்ட இணையவழித் தாக்குதல்கள் அடங்கியிருந்தன.

நிதி ஆதாயத்தை நோக்கமாகக் கொண்ட செயல்பாடுகளில், அத்தகைய கருவிகள் பல நாடுகளில் உள்ள உள்கட்டமைப்புகளில் மறுபயன்பாடு செய்யப்பட்டு பயன்படுத்தப்பட்டதை CERT-In கண்டறிந்தது.

முழுமையற்ற பாதுகாப்பு நடவடிக்கைகளை மேற்கொண்ட நிறுவனங்கள் மீது, சில நாட்களிலேயே மீண்டும் மிகப்பெரிய அளவில் ஏஐ முகவர்கள் தாக்குதல் நடத்தியுள்ளன.

இந்த ஆபத்துகளை எதிர்கொள்ள, காலாவாதியான APIகளை நீக்கி, கடவுச்சொற்களை உடனடியாக மாற்ற வேண்டும் உள்ளிட்ட பல்வேறு அறிவுறுத்தல்களை CERT-In வழங்கியுள்ளது.

பாதிக்கப்பட்ட நிறுவனங்கள் எவை என்றோ, எந்த ஏஐ மாதிரி வழங்குநர்கள் இந்த செயல்பாடுகளை வெளிப்படுத்தினார்கள் என்றோ CERT-In குறிப்பிடவில்லை.