நிலவில் வெற்றிகரமாக தரையிறங்கிய சந்திரயான்-3 அடுத்து என்ன செய்யும்? ரோவர் எப்போது தரையிறங்கும்?

சந்திரயான்-3ன் வெற்றியின் மூலம், உலகிலேயே நிலவின் தென் துருவத்தில் வெற்றிகரமாக தரையிறங்கிய முதல் நாடு என்ற பெருமையை இந்தியா பெற்றுள்ளது.

நிலவில் வெற்றிகரமாகத் தரையிறங்கிய சந்திரயான்-3 அடுத்த என்ன செய்யும், அடுத்தக்கட்ட செயற்பாடுகள் என்ன என்பனவற்றை இங்கே காணலாம்.

14 நாட்கள் என்ன செய்யும்?

தற்போது நிலவில் பத்திரமாக தைராயிரங்கியுள்ள சந்திரயான்-3 இரண்டு வாரங்களுக்கு வேறு எதையும் செய்யாமல் இருக்கும் இடத்திலேயே செயல்பாட்டில் இருக்கும். இந்த காலகட்டத்தில் நிலவின் மேற்பரப்பில் உள்ள கனிம கலவையின் ஸ்பெக்ட்ரோமீட்டர் பகுப்பாய்வு உட்பட தொடர்ச்சியான சோதனைகளை இயக்கும்.

பூமியில் ஒரு சந்திர நாள் அல்லது 14 நாட்கள் ரோவர் செயல்பாடுகளை இஸ்ரோ விஞ்ஞானிகள் கண்காணிப்பார்கள். இஸ்ரோ பகிர்ந்துள்ள விவரங்களின்படி, லேண்டர் மற்றும் ரோவரில் உள்ள ஐந்து அறிவியல் கருவிகளில் இருந்து வரும் டன் கணக்கிலான தரவுகளை விஞ்ஞானிகள் பகுப்பாய்வு செய்வார்கள்.

14 நாட்கள் கழித்தது என்ன நடக்கும்?

14 நாட்கள் கழித்தது, விக்ரம் லேண்டரின் ஒரு பக்க பேனல் விரிவடைந்து, பிரக்யான் ரோவருக்கு ஒரு சாய்வை உருவாக்கும்.

தேசியக் கொடி மற்றும் இஸ்ரோ லோகோவுடன் கூடிய ஆறு சக்கர பிரக்யான் நான்கு மணி நேரம் கழித்து சந்திர மேற்பரப்பில் இறங்கி வினாடிக்கு 1 செ.மீ வேகத்தில் நகரும்.

நேவிகேஷன் கேமராக்கள் பொருத்தப்பட்ட ரோவர், சந்திரனின் மேற்பரப்பை ஸ்கேன் செய்யும். சந்திரனின் மேற்பரப்பு தொடர்பான தரவுகளை வழங்குவதற்கு பேலோடுகளுடன் கட்டமைக்கப்பட்ட கருவிகள் ரோவரில் உள்ளன.

இது நாசாவின் ஒன்று உட்பட எட்டு பேலோடுகளின் தொகுப்பைக் கொண்டுள்ளது. Payloads (செயல்பாட்டிற்குத் தேவையான தரவுகள்) சந்திரனின் வளிமண்டலத்தின் அடிப்படை கலவை பற்றிய தரவை சேகரித்து லேண்டருக்கு தரவை அனுப்பும்.

ரோவர் லேண்டருடன் தொடர்பு கொள்ளும், லேண்டர் இஸ்ரோ விஞ்ஞானிகளுடன் தொடர்பு கொள்ளும்.

சந்திரயான்-3ன் முக்கிய நோக்கங்களில் ஒன்று, நிலவில் ரோவர் சுற்றுவதை நிரூபிப்பதும், அங்கு அறிவியல் சோதனைகளை மேற்கொள்வதும் ஆகும்.

பணி நோக்கங்களைத் தவிர, லேண்டர் மற்றும் ரோவரில் இணைக்கப்பட்டுள்ள பேலோடுகள் பல ஆய்வுகளை மேற்கொண்டு, சந்திர மேற்பரப்பு, சந்திரனின் செயல்முறைகள் மற்றும் அதன் உருவாக்கம் பற்றிய தரவுகளை அனுப்பும்.

Chandrayaan-3 touchdown, Chandrayaan-3 Soft Landing, Chandrayaan-3 Successfull moon landing, Chandrayaan-3 moon landing, Vikram Lander, rover, ISRO, Moon day