லங்காசிறி FM
உடலிற்கு சத்தான கொண்டைக்கடலை அடை.., எப்படி செய்வது?
கொண்டைக்கடலை புரதம், நார்ச்சத்து, மற்றும் வைட்டமின்கள் நிறைந்த ஒரு ஊட்டச்சத்து மிக்க உணவு.
இது உடல் எடையைக் கட்டுப்படுத்தவும், செரிமானத்தை மேம்படுத்தவும், சர்க்கரை அளவை சீராக வைக்கவும் மற்றும் இதய ஆரோக்கியத்தைப் பாதுகாக்கவும் பெரிதும் உதவுகிறது.
தாவர அடிப்படையிலான சிறந்த புரதச்சத்து கொண்டதால், தசை வளர்ச்சிக்கும், திசுக்களை சரிசெய்யவும் உதவுகிறது.
அந்தவகையில், உடலிற்கு சத்தான கொண்டைக்கடலை அடை எப்படி செய்வது என்று பாரக்கலாம்.
தேவையான பொருட்கள்
- கொண்டைக்கடலை- 1 கப்
- பச்சை மிளகாய்- 3
- இஞ்சி- 1 துண்டு
- சீரகம்- 1 ஸ்பூன்
- கறிவேப்பிலை- 1 கொத்து
- மஞ்சள் தூள்- ¼ ஸ்பூன்
- பெருங்காயத்தூள்- ¼ ஸ்பூன்
- உப்பு - 1 ஸ்பூன்
- கொத்தமல்லி இலை- சிறிதளவு
- தயிர்- ½ கப்
- சின்ன வெங்காயம்- 10
- நெய்- சிறிதளவு
செய்முறை
முதலில் கொண்டைக்கடலையை நன்கு கழுவி 8 மணி நேரம் ஊறவைத்து எடுத்துக்கொள்ளவும்.
பின் ஒரு மிக்ஸி ஜாரில் ஊறவைத்த கொண்டக்கடலை, பச்சைமிளகாய், இஞ்சி, சீரகம், கறிவேப்பிலை, மஞ்சள் தூள், பெருங்காயத்தூள், உப்பு, கொத்தமல்லி, தயிர் மற்றும் சிறிதளவு தண்ணீர் சேர்த்து கெட்டியாக அரைத்துக்கொள்ளவும்.
அடுத்து ஒரு கிண்ணத்தில் அரைத்த கலவை, நறுக்கிய சின்ன வெங்காயம் சேர்த்து கலந்துக்கொள்ளவும்.
இறுதியாக அடுப்பில் தவா வைத்து அரைத்த மாவை வட்டமாக தட்டி, நெய் சேர்த்து இரண்டு பக்கமும் பொன்னிறமாக சுட்டு எடுத்தால் சத்தான கொண்டைக்கடலை அடை தயார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
உடுவில், கொழும்பு, Melbourne, Australia, சிங்கப்பூர், Singapore, Kuala Lumpur, Malaysia, Chennai, India, வவுனியா
26 May, 2026
