லங்காசிறி FM
பல நகரங்களை மொத்தமாக விழுங்கிய காட்டுத்தீ: பேரிடர் நிலையை அறிவித்துள்ள நாடு
மிக மோசமான காட்டுத்தீ பரவி வரும் இரண்டு பிராந்தியங்களில் பேரழிவு நிலையை அறிவித்துள்ளார் சிலி ஜனாதிபதி கேப்ரியல் போரிக்.
தொடர்ச்சியான பேரழிவு
தலைநகர் சாண்டியாகோவிற்கு தெற்கே சுமார் 500 கிமீ தொலைவில் உள்ள உபிள் மற்றும் பயோபியோ பகுதிகளில் குறைந்தது 16 பேர் இறந்ததாக உறுதிப்படுத்தப்பட்டுள்ளது.
குறைந்தது 20,000 பேர் வெளியேற்றப்பட்டுள்ளனர். கடலோர நகரமான கான்செப்சியனை ஒட்டிய வறண்ட காடுகளில் மிகவும் ஆபத்தான தீ பரவியுள்ளது. சுமார் 250 வீடுகள் மொத்தமாக சாம்பலாகியுள்ளதாக பேரிடர் அதிகாரிகள் தெரிவித்தனர்.
உள்ளூர் ஊடகங்கள் தெருக்களில் எரிந்த நிலையில் காணப்படும் கார்களின் படங்களை வெளியிட்டு வருகிறது. சிலி சமீபத்திய ஆண்டுகளில் தொடர்ச்சியான பேரழிவு தரும் தீ விபத்துகளைச் சந்தித்துள்ளது, நீண்டகால வறட்சியால் இது மோசமடைந்துள்ளது.
சிலியின் வனவியல் நிறுவனமான கோனாஃப், ஞாயிற்றுக்கிழமை நாடு முழுவதும் மொத்தம் 24 தீ விபத்துகளை தீயணைப்பு வீரர்கள் எதிர்த்துப் போராடி வருவதாகக் கூறியது.
மிகவும் அச்சுறுத்தலாக, Ñuble மற்றும் Biobío ஆகிய இடங்களில் ஏற்பட்டதாக அது கூறியது. இரண்டு பிராந்தியங்களிலும் இதுவரை 20,000 ஹெக்டேர் நிலங்கள் தீயினால் பாதிக்கப்பட்டுள்ளதாக உள்ளூர் ஊடகங்கள் தெரிவிக்கின்றன.
வெப்ப எச்சரிக்கை
மக்கள் வெளியேற்றங்களில் பெரும்பகுதி, கான்செப்சியனுக்கு சற்று வடக்கே உள்ள பென்கோ மற்றும் லிர்குவென் நகரங்களில் மேற்கொள்ளப்பட்டது.
கோடை வெப்பநிலைக்கு மத்தியில் பலத்த காற்று தீயை மேலும் தூண்டி, கிராமப் பகுதிகளுக்கு ஆபத்தை விளைவித்து, தீயை அணைக்கும் முயற்சிகளுக்கு இடையூறாக உள்ளது.
சிலியின் பெரும்பகுதி வெப்ப எச்சரிக்கையின் கீழ் உள்ளது, அடுத்த இரண்டு நாட்களில் சாண்டியாகோவிற்கும் பயோபியோவிற்கும் இடையில் வெப்பநிலை 38C ஐ எட்டும் என்று எதிர்பார்க்கப்படுகிறது.
இரண்டு ஆண்டுகளுக்கு முன்பு, சாண்டியாகோவிற்கு அருகிலுள்ள வால்பரைசோ பகுதியில் ஏற்பட்ட காட்டுத் தீயில் குறைந்தது 120 பேர் கொல்லப்பட்டனர் என்பது குறிப்பிடத்தக்கது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள் |
திருகோணமலை, Erlalai, புங்குடுதீவு, கட்டுவன், மட்டக்களப்பு, கனடா, Canada
20 Jan, 2016
வடலியடைப்பு, சண்டிலிப்பாய், ஜேர்மனி, Germany, ஓமான், Oman, பிரித்தானியா, United Kingdom, கனடா, Canada
18 Jan, 2019
புங்குடுதீவு 3ம் வட்டாரம், Herdecke, Germany
17 Jan, 2011
நயினாதீவு 5ம் வட்டாரம், நயினாதீவு, நுவரெலியா, வவுனியா, Mississauga, Canada
09 Jan, 2026
நயினாதீவு, நாரந்தனை, வேலணை, கரம்பொன், Toronto, Canada
12 Jan, 2026
