லங்காசிறி FM
சீனாவின் ரகசிய ராணுவ மையம் - பென்டகனைவிட 10 மடங்கு பரப்பளவு!
சீனா பென்டகனைவிட 10 மடங்கு பாரியதாக கருதப்படும் உலகின் மிகப்பெரிய ராணுவ மையம் ஒன்றை கட்டி வருவதாக தகவல்கள் வெளியாகியுள்ளன.
‘பீஜிங் மிலிட்டரி சிட்டி’ என பெயரிடப்பட்டுள்ள இந்த ரகசிய ராணுவ தளத்தைக் குறித்து The Financial Times செய்தி வெளியிட்டுள்ளது.
அமெரிக்காவின் பென்டகன் 583 ஏக்கரில் அமைந்துள்ளதென்றால், சீனாவின் இந்த ராணுவ தளம் அதைவிட 10 மடங்கு பரப்பளவு கொண்டதாக இருக்கலாம் என நிபுணர்கள் கூறுகின்றனர்.
பீஜிங்கின் தென்மேற்கே 20 மைல்கள் தொலைவில் அமைந்துள்ள இந்த கட்டமைப்பு, ஒரு போர் கால கட்டளை மையமாகவும் அணுசக்தி பதுங்கு குழியாகவும் பயன்படக்கூடும் என அமெரிக்க அதிகாரிகள் சந்தேகிக்கின்றனர்.
ஆனால் சீன அரசு இதுவரை இந்த திட்டம் குறித்து அதிகாரப்பூர்வமாக எதையும் தெரிவித்தில்லை.
2022-ஆம் ஆண்டில் வீதி வழித்தோற்றமான இடமாக இருந்த இந்த பகுதி, 2023 மற்றும் 2024ல் நிலப்பரப்புகள் வெட்டப்பட்டு பெரும் கட்டுமான பணிகள் நடந்து வருவதை செயற்கை கோல்கள் (satellite images) மூலம் தெரியவந்துள்ளது.
அமெரிக்க உளவுத்துறை முன்னாள் அதிகாரியும், தேசிய புவி புலனாய்வு முகமை முன்னாள் நிபுணரும், இந்த தளத்தை மிகவும் முக்கியமான ராணுவ ஆதாரம் என்றும், இது "வெஸ்டர்ன் ஹில்ஸ்" தளத்தை மாற்றக்கூடிய ஒரு போர் கட்டளை மையமாக உருவாகி வருவதாக தெரிவித்துள்ளனர்.
ஜி ஜின்பிங்கின் ஆட்சியின் கீழ், அமெரிக்காவை மிஞ்சி உலகின் முக்கிய ராணுவ சக்தியாக சீனா உருவெடுக்கும் முயற்சியின் ஒரு முக்கிய அடையாளமாக இந்த ரகசிய தளம் பார்க்கப்படுகிறது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
Keywords: China military base, China secret military base Beijing Military City, China Pentagon size base, Chinese secret war bunker, China vs US military, Satellite images China base, Xi Jinping military expansion, World's largest war center, Hidden Chinese military hub, China command center construction
யாழ்ப்பாணம், முகத்தான்குளம், செட்டிக்குளம், Liverpool, United Kingdom
20 Jun, 2025
