முதல் மின்சார விமான பயணம் - மனிதர்களுடன் வெற்றிகரமாக சோதனை செய்த சீனா
china commercial electric plane completes maiden fly with humans: சீனாவின் CE-25A மின்சார விமானம் தனது முதல் மனிதர்களுடனான பரப்பை வெற்றிகரமாக சோதனை நடத்தியுள்ளது.
சீனாவின் முதல் மின்சார விமான பயணம்
சீனாவின் வர்த்தக விமானக் கழகம் COMAC, CE-25A என்ற வர்த்தக மின்சார விமானத்தை உருவாக்கியுள்ளது.

நகரங்களுக்கு இடையேயான வர்த்தகப் பயணங்களுக்காக வடிவமைக்கப்பட்ட இந்த 10 டன் எடை கொண்ட மின்சார வர்த்தக விமானம், 19 பயணிகளை ஏற்றிச் செல்லும் திறன் கொண்டது.
இதன் அதிகபட்ச புறப்படும் எடை 10 டன் ஆகும். இது மணிக்கு 300 கி.மீ. வேகத்திலும், 2,400 மீட்டர் உயரத்திலும், 400 கி.மீ. தூரம் வரை செல்லும் திறன் ஆகியவற்றைக் கொண்டுள்ளது.
அதன் இறக்கைகளில் பொருத்தப்பட்ட பரவலாக்கப்பட்ட மின்சாரக் குழாய் விசிறி உந்துவிசை அமைப்பு மூலம் இந்த விமானம் இயக்கப்படுகிறது.
COMAC, சீன மின்கலத் தயாரிப்பு நிறுவனமான CATL, ஷாங்காய் ஜியாவோ டோங் பல்கலைக்கழகம் கூட்டாக உருவாக்கப்பட்ட CE-25A, இந்த ஆண்டு பிப்ரவரி 2 ஆம் திகதி தனது முதல் ஆளில்லா தானியங்கிப் பறத்தலை நிறைவு செய்தது.
Chinese state-owned aircraft manufacturer COMAC completed the first crewed flight of its CE-25A electric aircraft in Binzhou, state broadcaster CCTV reported https://t.co/Bh49hvp8Tm
— Reuters (@Reuters) November 14, 2026
இதுவரை 19 ஆளில்லா தானியங்கிப் பறத்தல் சரிபார்ப்புகளை நிறைவு செய்துள்ள இந்த விமானம், தற்போது மனிதர்களுடனான தனது முதல் பரப்பை வெற்றிகரமாக நிறைவு செய்துள்ளது.
கிழக்கு சீனாவின் ஷான்டாங் மாகாணத்தில் உள்ள பின்சோவில் நடைபெற்ற இந்தப் பறத்தலின்போது, இந்த விமானத்தில் 2 விமானிகளும் ஒரு விமானப் பரிசோதனைப் பொறியாளரும் பயணித்தனர்.

16 நிமிடங்கள் 38 வினாடிகள் வானில் பறந்த நேரத்தையும் சேர்த்து, இந்த சோதனை 57 நிமிடங்கள் 46 வினாடிகள் நீடித்தது. இந்த சோதனையின் போது, விமானம் 60.4 கிலோமீட்டர் தூரத்தைக் கடந்தது.
விமானம் இயல்பாக இயங்கியதாகவும், அனைத்து சோதனை முடிவுகளும் எதிர்பார்த்தபடியே இருந்ததாகவும் COMAC தனது அறிக்கையில் தெரிவித்துள்ளது.
சீனாவின் சிவில் விமானப் போக்குவரத்து நிர்வாகம், COMAC-இன் வகைச் சான்றிதழ் விண்ணப்பத்தை ஏற்று ஆய்வு செய்து வருகிறது.