லங்காசிறி FM
போருக்கு மத்தியில்... ஈரானில் இருந்து எண்ணெய் இறக்குமதியை அதிகரித்த கிழக்காசிய நாடு
இஸ்ரேலுக்கும் ஈரானுக்கும் இடையிலான சமீபத்திய மோதலுக்கு முன்னர் ஏற்றுமதிகள் துரிதப்படுத்தப்பட்டதால், ஜூன் மாதத்தில் ஈரானில் இருந்து சீனாவின் எண்ணெய் இறக்குமதி அதிகரித்தது என்ற தகவல் வெளியாகியுள்ளது.
ஈரானிய எண்ணெய்
வெளியான தரவுகளின் அடிப்படையில், உலகின் முன்னணி எண்ணெய் இறக்குமதியாளரும், ஈரானிய கச்சா எண்ணெயை அதிகமாக வாங்குபவருமான சீனா ஜூன் 1 முதல் 20 வரை ஒரு நாளைக்கு 1.8 மில்லியன் பீப்பாய்களுக்கு மேல் இறக்குமதி செய்துள்ளது.
ஆனால், ஜூன் 27 ஆம் திகதி நிலவரப்படி சீனாவின் ஈரானிய எண்ணெய் மற்றும் கண்டன்சேட் இறக்குமதியின் சராசரி நாள் ஒன்றுக்கு 1.46 மில்லியன் பீப்பாய்களாக உள்ளது, இது மே மாதத்தில் ஒரு மில்லியன் பீப்பாய்டாக இருந்தது என்ற தகவலும் வெளியாகியுள்ளது.
மேலும், மே மாதத்தில் ஈரானில் இருந்து ஏற்றுமதி செய்யப்பட்ட எண்ணெய் பல ஆண்டுகளில் இல்லாத அளவுக்கு 1.83 மில்லியன் பீப்பாய்களை எட்டிய பின்னர், ஈரானின் மிதக்கும் சேமிப்பகத்திலிருந்து கிடைக்கும் விநியோகங்களில் ஏற்பட்ட அதிகரிப்பே இறக்குமதி அதிகரிப்பிற்கு காரணமாக கூறப்படுகிறது.
பொதுவாக ஈரானிய எண்ணெய் சீன துறைமுகங்களை அடைய குறைந்தது ஒரு மாதமாவது ஆகும். மே மற்றும் ஜூன் மாத தொடக்கத்தில் சீனாவின் இறக்குமதியில் ஏற்பட்டுள்ள வலுவான ஏற்றம், ஈரானில் இருந்து சீனாவின் இறக்குமதி தொடர்ந்து உயர்ந்த நிலையில் இருப்பதைக் குறிக்கிறது.
மட்டுமின்றி, ஈரானிய எண்ணெயின் முக்கிய வாங்குபவர்களான சுயாதீன சீன நிறுவனமான teapot சுத்திகரிப்பு நிலையங்களும் அவற்றின் கையிருப்பு குறைந்து வருவதால் இறக்குமதியை அதிகரித்துள்ளன.
அமெரிக்கா கைவிடவில்லை
இந்த நிலையில், ஜனாதிபதி ட்ரம்பின் நடவடிக்கை காரணமாக ஈரானிய எண்ணெய் மீதான அமெரிக்காவின் தடைகள் தளர்த்தப்படும் என்றால் சீன எண்ணெய் வாங்குதலை மேலும் அதிகரிக்கும்.
இதனிடையே, ஈரானிய எண்ணெய் விற்பனை மீதான கட்டுப்பாடுகள் உட்பட, ஈரான் மீதான அதிகபட்ச அழுத்த நடவடிக்கைகளை அமெரிக்கா கைவிடவில்லை என்று ஜனாதிபதி டொனால்ட் ட்ரம்ப் புதன்கிழமை தெரிவித்தார்.
ஆனால் ஈரானை மீண்டும் கட்டியெழுப்ப உதவும் வகையில் அமலாக்கத்தில் தளர்வு ஏற்படுத்துவதற்கான அறிகுறிகளை ட்ரம்ப் வெளிப்படுத்தியுள்ளார். இஸ்ரேல் மற்றும் அமெரிக்க வான்வழித் தாக்குதல்களால் ஜூன் மாதத்தின் இரண்டாம் பாதியில் ஈரானின் ஒட்டுமொத்த கச்சா எண்ணெய் ஏற்றுமதி மந்தமாக இருந்தது.
ஜூன் மாதத்தில் இதுவரை ஈரானின் மொத்த கச்சா எண்ணெய் ஏற்றுமதி மாத சராசரியாக நாள் ஒன்றிற்கு 1.5 மில்லியன் பீப்பாய்களாகக் குறைந்துள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
புளியங்கூடல், கல்விளான், விசுவமடு, கொக்குவில், Paris, France, Basel, Switzerland
27 Jun, 2025
யாழ் தும்பளை மேற்கு, Jaffna, புலோலி வடக்கு, London, United Kingdom
16 Jun, 2025
அரியாலை, கொழும்பு, Georgetown, Guyana, Edgware, United Kingdom
17 Jun, 2025
அனலைதீவு, கொழும்பு, யாழ்ப்பாணம், Jakarta, Indonesia, சென்னை, India, Toronto, Canada
26 Jun, 2025
புங்குடுதீவு 12ம் வட்டாரம், யாழ்ப்பாணம், கொழும்பு, Chennai, India, Toronto, Canada
24 Jun, 2025
உடுப்பிட்டி, கொழும்பு, ஓமான், Oman, Toronto, Canada, Papua New Guinea, சிட்னி, Australia
20 Jun, 2025
உடுப்பிட்டி, London, United Kingdom, Doncaster, United Kingdom
28 Jun, 2022
