எலான் மஸ்க்கிற்கு சீனா போட்ட ஸ்கெட்ச்: ஹனிடிராப்பில் தலைவர்களை சிக்க வைக்க சீனா திட்டம்?

எலான் மஸ்கை சிக்க வைக்க சீன இராணுவ மேஜர் பணிப்பெண்ணாக மாறியதாக சர்ச்சை ஒன்று வெடித்துள்ளது.

எலான் மஸ்க்கின் சீனப் பயணம்

அமெரிக்க ஜனாதிபதி டொனால்ட் டிரம்ப் அரசு முறைப் பயணமாக சமீபத்தில் சீனாவுக்கு சுற்றுப்பயணம் மேற்கொண்டு இருந்தார்.

அப்போது தொழில் துறை சார்பாக உலகின் முதல் பணக்காரரும், டெஸ்லா மற்றும் ஸ்பேஸ் எக்ஸ் நிறுவனத்தின் நிறுவனருமான எலான் மஸ்க் சீனாவுக்கு சுற்றுப்பயணம் மேற்கொண்டார்.

அப்போது சீனாவின் ஆளும் கம்யூனிஸ்ட் கட்சி சார்பாக ஏற்பாடு செய்யப்பட்டிருந்த விருந்தில் எலான் மஸ்க் கலந்து கொண்டிருந்தார்.

இந்த விருந்தின்போது எலான் மஸ்க்கின் பின்னால் நின்ற பெண் பணியாளர் தற்போது சமூக ஊடகங்களில் கவனம் பெற்றுள்ளார்.

எண்ணெய் விநியோக நெருக்கடி: சிகப்பு மண்டலத்திற்கு செல்லும் அபாயம்: IEA எச்சரிக்கை

இராணுவ மேஜர் -டூ- பணிப்பெண்

அந்த பெண் சாதாரண ஹோட்டல் பணிப்பெண் இல்லை என்றும், அவர் சீன ராணுவத்தின் பட்டாலியன் கமாண்டர் மேஜர் செங் செங் என்று தகவல்கள் வெளியாகி வருகிறது.

சீன ராணுவத்தின் நடைமுறைகள் மற்றும் செயல்பாட்டை கையேடு எழுதுவதில் தேர்ச்சி பெற்றவரான மேஜர் செங் செங் பணிப்பெண் உடையில் இருப்பதாக சந்தேகிக்கப்படுகிறது.

மேஜர் செங் செங்கின் பழைய ராணுவ உடைய அணிந்த புகைப்படத்தையும், தற்போதைய விருந்து புகைப்படத்தையும் ஒப்பிட்டு இணையத்தில் சந்தேகம் எழுப்பப்பட்டு வருகிறது.

மேற்கத்திய நாட்டு தலைவர்கள் மற்றும் தொழிலதிபர்களை தங்கள் வலையில் வீழ்த்த சீனா இத்தகைய உளவு உத்திகளை கையாளுவதாக கூறப்பட்டுள்ளது.

கலிபோர்னியாவை சேர்ந்த அரசியல்வாதிகளிடம் இருந்து முக்கிய தகவல்களை பெற பாங் பாங் என்ற சீனப் பெண் மூலம் சீனா ஹனிடிராப் செய்வதாகவும் குற்றச்சாட்டுகள் எழுந்துள்ளன.