லங்காசிறி FM
ஏவுகணைகளில் எரிபொருளுக்கு பதிலாக தண்ணீர்- சீன இராணுவத்தில் மிகப்பெரிய ஊழல் அம்பலம்
சீனாவில் அணு ஏவுகணை படைகளில் மிகப்பெரிய ஊழல் அம்பலமாகியுள்ளது.
சீனாவில் அணு ஏவுகணை படைகளில் நடந்த பெரும் ஊழல் மற்றும் அலட்சியம் காரணமாக, பல ஏவுகணைகள் எரிபொருளுக்கு பதிலாக தண்ணீரால் நிரப்பப்பட்டிருந்தது என்ற அதிர்ச்சிகரமான தகவல் வெளியாகியுள்ளது.
இந்த சம்பவம், சீன இராணுவத்தில் சமீபத்தில் நடந்த பெரும் களையெடுப்பு (Purge) நடவடிக்கைகளுக்கான முக்கிய காரணமாக பார்க்கப்படுகிறது.
சீனாவின் People’s Liberation Army Rocket Force (PLARF)-ல் பல உயர் அதிகாரிகள் ஊழலில் ஈடுபட்டதாக அமெரிக்க உளவுத்துறை தெரிவித்துள்ளது.
சீனாவின் ஜனாதிபதி ஜி ஜின்பிங், இந்த ஊழல் சம்பவங்களை அறிந்ததும், பல உயர் ராணுவ அதிகாரிகளை நீக்கி, புதிய தலைமையை நியமித்துள்ளார்.
குறிப்பாக, ரொக்கெட் படையின் முன்னாள் தளபதிகள் மீது கடுமையான நடவடிக்கை எடுக்கப்பட்டுள்ளது.
சீனாவின் உயர் அதிகாரியான ஜெனரல் ஜாங் யூக்ஸியா மற்றும் மூத்த தளபதி ஜெனரல் லியு ஜென்லி உட்பட உயர்மட்ட இராணுவத் தலைவர்கள் இதில் அடங்குவர்.
இந்த சம்பவம் சீனாவின் அணு ஆயுத நம்பகத்தன்மை மற்றும் பாதுகாப்பு குறித்த கேள்விகளை எழுப்புகிறது. உலகளவில் சீனா தனது அணு திறனை விரிவுபடுத்தும் முயற்சியில் இருக்கும் நிலையில், இத்தகைய தவறுகள் அதன் சர்வதேச மதிப்பையும், பாதுகாப்பையும் பாதிக்கும்.
மேலும், இந்த ஊழல் சம்பவம் சீனாவின் உள்நாட்டு அரசியல் மற்றும் இராணுவ ஒழுங்கு மீதான அதிருப்தியை வெளிப்படுத்துகிறது.
சீன அரசு, எதிர்காலத்தில் இத்தகைய தவறுகள் மீண்டும் நடைபெறாமல் இருக்க கடுமையான கண்காணிப்பு மற்றும் சீர்திருத்த நடவடிக்கைகளை மேற்கொள்ளும் என எதிர்பார்க்கப்படுகிறது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
புங்குடுதீவு 5ம் வட்டாரம், புங்குடுதீவு 10ம் வட்டாரம், புங்குடுதீவு 11ம் வட்டாரம், கொட்டாஞ்சேனை
11 Mar, 2020
ஆனையிறவு, புளியம்பொக்கணை, வவுனியா, கிளிநொச்சி, Argenteuil, France
02 Mar, 2026
கோப்பாய் வடக்கு, கைதடி, Wellington, New Zealand, சிட்னி, Australia
07 Mar, 2023
