லங்காசிறி FM
கோவிட் தொற்றை அம்பலப்படுத்திய சீன பத்திரிகையாளருக்கு மேலும் சிறை தண்டனை
சீனாவில் கோவிட் தொற்று பரவியுள்ளதை அம்பலப்படுத்திய ஊடகவியலாளர் 4 ஆண்டுகள் சிறை தண்டனை அனுபவித்த நிலையில், தற்போது மேலும் 4 ஆண்டுகள் தண்டனை விதிக்கப்பட்டுள்ளது.
பொதுமக்களுக்கு
42 வயதான Zhang Zhan மீது சீனாவில் குழப்பத்தை ஏற்படுத்த முயற்சித்தார் என்றும் மக்களிடையே வாக்குவாதத்தை தூண்டினார் என்றும் வழக்கு தொடரப்பட்டது. இதே காரணங்களால் 2020 டிசம்பர் மாதமும் அவருக்கு சிறை தண்டனை விதிக்கப்பட்டது.
அப்போது அவர் கோவிட் தொற்று பரவும் எண்ணிக்கை குறித்து பொதுமக்களுக்கு தெரியப்படுத்தியிருந்தார். ஆரம்பத்தில் நெரிசலான மருத்துவமனைகள் மற்றும் வெறிச்சோடிய தெருக்களில் இருந்து பல மாதங்களாக காணொளிகள் உள்ளிட்ட பதிவுகளை வெளியிட்ட பிறகு, ஜாங் கைது செய்யப்பட்டார்,
அவை சீன நிர்வாகம் உத்தியோகப்பூர்வமாக வெளியிட்ட நோயின் ஆரம்பகால தரவுகளை விட மிகவும் மோசமாக இருந்தன. நீதிமன்ற ஆவணங்களின்படி, கைது செய்யப்பட்ட ஒரு மாதத்திற்குப் பிறகு அவர் உண்ணாவிரதப் போராட்டத்தில் ஈடுபட்டார்.
சிறையில் இருந்து
இந்த நிலையில், 2024 மே மாதம் அவர் சிறையில் இருந்து விடுவிக்கப்பட, மூன்று மாதங்களுக்குப் பிறகு அவர் மீண்டும் கைதானார். முறையாக கைது செய்யப்பட்டு ஷாங்காயின் புடாங் தடுப்பு மையத்தில் வைக்கப்பட்டார்.
ஜாங் என்ன நடவடிக்கைகளுக்காக குற்றம் சாட்டப்பட்டார் என்பதை சீன அதிகாரிகள் ஒருபோதும் பகிரங்கமாகக் குறிப்பிடவில்லை. சீனாவில் பத்திரிகையாளர்களுக்கான உலகின் மிகப்பெரிய சிறைச்சாலை உள்ளது, குறைந்தது 124 ஊடக ஊழியர்கள் சிறையில் உள்ளனர் என்பது குறிப்பிடத்தக்கது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள் |
வறுத்தலைவிளான், யாழ்ப்பாணம், கோண்டாவில், கொழும்பு, அநுராதபுரம்
25 Sep, 2022
புங்குடுதீவு 10ம் வட்டாரம், வவுனியா, கிளிநொச்சி, சென்னை, India
18 Sep, 2025
சில்லாலை, கனகராயன்குளம், சென்னை, India, திருச்சி, India
19 Sep, 2018
முள்ளியான், துன்னாலை, வல்வெட்டி, துணுக்காய், கொழும்பு, வவுனியா
20 Sep, 2015
