லங்காசிறி FM
பெண் ஊழியருக்கு ஆபாச குறுஞ்செய்தி அனுப்பிய மேலாளர்: இளம்பெண் ஆடிய ருத்ரதாண்டவம்
தொடர்ந்து மூன்று முறை தனக்கு தன்னுடைய மேலாளரிடமிருந்து ஆபாச குறுஞ்செய்திகள் வந்ததால், பொறுத்தது போதும் என பொங்கி எழுந்த இளம்பெண் ஒருவர், அவரை துவம்சம் செய்துவிட்டார்.
சீனாவிலுள்ள அரசு அலுவலகம் ஒன்றில் பணியாற்றிவருபவர் Zhou என்ற இளம்பெண். அவரது மேலாளரான Wang என்பவர், பெண்களிடம் தொடர்ந்து வம்புசெய்துகொண்டே இருந்திருக்கிறார்.
ஒருநாள் அவர் Zhouக்கு தொடர்ந்து மூன்று முறை ஆபாச குறுஞ்செய்திகள் அனுப்ப, பொறுமையிழந்த Zhou, தரையை சுத்தம் செய்யும் மாப் ஸ்டிக் ஒன்றுடன் மேலாளரின் அறைக்குள் நுழைந்து, அவரை அடித்துத் துவைத்துவிட்டார்.
அவரை பல முறை அடித்ததுடன், அவரது முகத்தில் தண்ணீரை வீசியடித்து, அவரது கணினியைப் பிடித்துத் தள்ளி, அந்த அறையையே ஒரு வழி செய்துவிட்டார் Zhou. அவ்வளவு அடியும் வாங்கிய Wang, தான் வீடியோவில் பதிவு செய்யப்படுவதாலோ என்னவோ, எவ்வளவு நேரம்தான் வலிக்காதது மாதிரியே நடிப்பது என்ற தோரணையில் அமர்ந்திருக்கிறார்.
Wangஐ அடித்துத் துவைத்தது போதாதென்று, Zhou பொலிசாரிடமும் புகார் தெரிவிக்க, அவர் தனது மேலாளர் பதவியிலிருந்து பணி நீக்கம் செய்யப்பட்டுள்ளார்.
அத்துடன், அவர் சார்ந்த கட்சியின் அடிப்படை உறுப்பினர் பொறுப்பிலிருந்தும் நீக்கப்பட்டுள்ளார் Wang. சுமார் 14 நிமிடங்கள், Zhou ருத்ரதாண்டவம் ஆடும் வீடியோ இணையத்தில் வைரலாகியுள்ளது.
புங்குடுதீவு 4ம் வட்டாரம், பரிஸ், France, சூரிச், Switzerland
10 Apr, 2022
