பிரான்சில் கொழுந்துவிட்டு எரியும் காட்டுத்தீ... வலுக்கட்டாயமாக வெளியேற்றப்பட்ட பிரபலத் தம்பதி

தெற்கு பிரான்ஸ் முழுவதும் பரவி வரும் காட்டுத்தீ காரணமாக, ஜார்ஜ் மற்றும் அமல் குளூனி தம்பதி தங்கள் வீட்டை விட்டு வலுக்கட்டாயமாக வெளியேற்றப்படும் நிலை ஏற்பட்டுள்ளது.

குளூனி தம்பதி

ஆஸ்கார் விருது வென்றவரான 65 வயது ஜார்ஜ் குளூனி மற்றும் அவரது 48 வயதான மனைவியும் மனித உரிமைகள் சட்டத்தரணியுமான அமல் குளூனி ஆகியோர் பிரான்ஸின் 'புரோவென்ஸ்-ஆல்ப்ஸ்-கோட் டி அஸூர்' (Provence-Alpes-Côte d’Azur) பிராந்தியத்தில் உள்ள பிரிக்னோல்ஸ் (Brignoles) நகரில் வசித்து வந்துள்ளனர்.

இந்த நிலையில், பிரிங்னோல்ஸ் (Brignoles) நகர மேயர் டிடியர் பிரெமோண்டிற்கு (Didier Brémond) எழுதிய கடிதத்தில், தானும் தனது மனைவியும் ஒன்பது வயதுடைய இரட்டைக் குழந்தைகளான அலெக்சாண்டர் மற்றும் எல்லா ஆகியோருடன் தங்கள் வீட்டை விட்டு வெளியேறியதாக குளூனி தெரிவித்துள்ளார்.

அத்துடன், பரவி வரும் காட்டுத்தீயினால் ஏற்படும் பாதிப்புகளைப் பொருட்படுத்தாமல், 18,000-க்கும் சற்று குறைவான மக்கள் வசிக்கும் அந்தப் பிரெஞ்சு நகரத்திற்கு உதவும் தயார் என குளூனி உறுதியளித்ததாகக் கூறப்படுகிறது.

உலகக் கிண்ணத்தைப் புறக்கணியுங்கள்... இங்கிலாந்து அணிக்கு ரசிகர்கள் அழுத்தம்

ஐரோப்பிய ஒன்றியத்தின் அவசரக்கால நடவடிக்கைப் பிரிவுத் தலைவர், காட்டுத்தீ சில நாட்களுக்குள் ஐரோப்பா முழுவதையும் சூழ்ந்துகொள்ளக்கூடும் என்று எச்சரித்த அதே நாளில்தான், குளூனி தம்பதியினர் தாங்கள் வெளியேறுவதாக அறிவித்தனர்.

காட்டுத்தீ அபாயம்

தெற்கு ஐரோப்பா முழுவதும் தீயணைப்பு வீரர்கள் பெரும் காட்டுத்தீயை அணைக்கும் பணியில் தொடர்ந்து போராடி வரும் நிலையில், வரும் வாரங்களில் கிரீஸ், இத்தாலி மற்றும் மத்திய ஐரோப்பா ஆகிய பகுதிகள் மிக அதிக காட்டுத்தீ அபாயத்தை எதிர்கொள்ளக்கூடும் என்று எதிர்பார்க்கப்படுகிறது.

பிரான்சில் ஏற்பட்டுள்ள காட்டுத்தீயை அணைக்க 2,200-க்கும் மேற்பட்ட தீயணைப்பு வீரர்கள் போராடி வருகின்றனர்; தீயைக் கட்டுப்படுத்த 20 விமானங்கள் அவர்களுக்குத் துணையாக களமிறக்கப்பட்டுள்ளன.

செவ்வாய்க்கிழமை நிலவரப்படி, பிரான்ஸ் மற்றும் ஸ்பெயின் முழுவதும் 330,000-க்கும் மேற்பட்ட மக்கள் வெளியேற்றப்பட வேண்டிய கட்டாயம் ஏற்பட்டுள்ளது.

ஜார்ஜ் மற்றும் அமல் குளூனி ஆகியோர் 2021-ஆம் ஆண்டிலேயே பிரிக்னோல்ஸை (Brignoles) தாங்கள் குடியேறுவதற்கான ஒரு இடமாகப் பரிசீலிக்கத் தொடங்கினர்; பின்னர் அதே ஆண்டில், சுமார் 9 மில்லியன் டொலர் மதிப்பில் அங்குள்ள ஒரு தோட்டத்தை அவர்கள் வாங்கினர்.

இதனையடுத்து அந்த அமெரிக்க நடிகரும் பிரித்தானிய-லெபனானிய சட்டத்தரணியும் 2025-இல் தங்களுக்கும் தங்கள் குழந்தைகளுக்கும் பிரெஞ்சு குடியுரிமையைப் பெற்றனர்.