லங்காசிறி FM
LPG சிலிண்டர் விலை குறைப்பு., சென்னையில் எவ்வளவு?
வணிக எரிவாயுவின் விலை உயர்வால் பாதிக்கப்பட்டுள்ள நுகர்வோருக்கு உள்நாட்டு எண்ணெய் நிறுவனங்கள் நற்செய்தியை அறிவித்துள்ளது.
வணிக நீதியாக பயன்படுத்தப்படும் எல்பிஜி சிலிண்டரின் விலை குறைக்கப்பட்டுள்ளது.
19 கிலோ சிலிண்டருக்கு ரூ.30 முதல் ரூ.32 வரை குறைக்கப்படுவதாக அறிவித்துள்ளனர்.
இன்று முதல் அதாவது ஏப்ரல் முதலாம் திகதி முதல் மும்பை, கொல்கத்தா, சென்னை உள்ளிட்ட நாடு முழுவதும் அனைத்து பகுதிகளிலும் குறைக்கப்பட்ட விலை அமுலுக்கு வரும் என தெரியவந்துள்ளது.
தலைநகர் டெல்லியில் எண்ணெய் நிறுவனங்களின் முடிவால் வணிக எரிவாயு சிலிண்டர் 1,795 ரூபாயிலிருந்து 1,764.50 ரூபாயாக குறைந்தது.
சென்னையில் 19 கிலோ சிலிண்டர் ரூ.30 குறைக்கப்பட்டுள்ளது. இதனால் சிலிண்டர் விலை தற்போது 1,960.50 ரூபாயிலிருந்து 1,930 ரூபாயாக குறைந்துள்ளது.
இதேபோல் மும்பையில் 1,749ல் ரூபாயிலிருந்து 1,717.50 ரூபாயாக குறைந்துள்ளது. கொல்கத்தாவில் வர்த்தக சிலிண்டரின் விலை 1,911 ரூபாயிலிருந்து 1,879 ரூபாயாக குறைந்துள்ளது.
உள்ளூர் வரிகளின் அடிப்படையில் விலைகள் மாநிலத்திற்கு மாநிலம் மாறுபடும்.
எனினும், வீட்டு உபயோகத்திற்கு பயன்படுத்தப்படும் 14 கிலோ எரிவாயு சிலிண்டரின் விலையில் மாற்றம் இல்லை.
கடந்த மாதம் மகளிர் தினத்தையொட்டி வீட்டு உபயோக காஸ் சிலிண்டர் விலை ரூ.100 குறைக்கப்பட்டது தெரிந்ததே. தற்போது அதே விலை தொடர்கிறது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
Commercial LPG cylinder prices, LPG Gas Price, LPG Gas cylinder price, Chennai Commercial LPG cylinder prices
