லங்காசிறி FM
எல்பிஜி சிலிண்டரின் விலை குறைப்பு., புதிய விலை இன்று முதல் அமுல்
வணிகப் பயன்பாட்டிற்கான எல்பிஜி சிலிண்டரின் விலை குறைக்கப்பட்டுள்ளது.
19 கிலோ எல்பிஜி சிலிண்டருக்கு ரூ.30 குறைக்கப்படுவதாக அறிவித்துள்ளனர்.
இன்று முதல் அதாவது ஜூலை 1ம் திகதி முதல் மும்பை, கொல்கத்தா, சென்னை உள்ளிட்ட நாடு முழுவதும் குறைக்கப்பட்ட இவ்விலை அமுலுக்கு வந்துள்ளது.
தலைநகர் டெல்லியில் எண்ணெய் நிறுவனங்களின் முடிவால் ரூ. 1,676 வணிக எரிவாயு சிலிண்டருக்கு ரூ. 1,646 ஆக குறைக்கப்பட்டுள்ளது.
அதேபோல் மும்பையில் ரூ.1,629ல் இருந்து ரூ.1,598 ஆக குறைந்துள்ளது. மேலும் சென்னையில் ரூ.1,840 ஆக இருந்த விலை தற்போது ரூ.1,809 ஆக குறைந்துள்ளது.
அதேபோல், கொல்கத்தாவில் வர்த்தக சிலிண்டர் விலை ரூ.1,787ல் இருந்து ரூ.1,756 ஆக குறைந்துள்ளது. உள்ளூர் வரிகளின் அடிப்படையில் விலைகள் மாநிலத்திற்கு மாநிலம் மாறுபடும்.
கடந்த இரண்டு மாதங்களாக வர்த்தக சிலிண்டர்களின் விலைகள் தொடர்ந்து குறைந்து வருகிறது. ஜூன் முதலாம் திகதி சிலிண்டருக்கு 69 ரூபாயும், மே முதலாம் திகதி சிலிண்டருக்கு19 ரூபாயும் விலை குறைக்கப்பட்டது.
மேலும் 14.2 கிலோ வீட்டு சமையல் எரிவாயுவின் விலை தொடர்ந்து அப்படியே உள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
