லங்காசிறி FM
உலகில் அதிக விலைவாசி கொண்ட டாப் 10 நகரங்கள்: சுவிஸ் முன்னிலை
உலகளாவிய Cost of Living Index 2026 அறிக்கையில், மிகவும் விலைவாசி அதிகமான நகரங்களின் பட்டியல் வெளியிடப்பட்டுள்ளது.
இந்த ஆண்டு, சுவிட்சர்லாந்து நகரங்கள் பட்டியலில் முன்னிலை வகித்துள்ளன.
அறிக்கையின்படி, சூரிச் (Zurich) 118.5 என்ற குறியீட்டு மதிப்புடன் உலகின் மிக விலைவாசி கொண்ட நகரமாக முதலிடத்தில் உள்ளது.
அதனைத் தொடர்ந்து ஜெனீவா, பாசல், லோசேன், லுகானோ, பெர்ன் ஆகிய சுவிட்சர்லாந்து நகரங்கள் முதல் ஆறு இடங்களைப் பிடித்துள்ளன.
இது, அந்த நாட்டின் வலுவான நாணய மதிப்பு, உயர்ந்த வாழ்க்கைத் தரம் மற்றும் அதிக வாடகைச் செலவுகள் காரணமாக ஏற்பட்டதாக நிபுணர்கள் கூறுகின்றனர்.
அமெரிக்காவின் நியூயார்க் நகரம், 2025-ல் 4-வது இடத்தில் இருந்தது. ஆனால் 2026-இல் அது 7-வது இடத்திற்கு சரிந்துள்ளது.
அதேபோல், சான் பிரான்சிஸ்கோ 10-வது இடத்தில் உள்ளது. ஹோனலுலு (ஹவாய்) 9-வது இடத்தில், ரெய்க்யாவிக் (ஐஸ்லாந்து) 8-வது இடத்தில் இடம்பெற்றுள்ளன.
ஆசியாவில், சிங்கப்பூர் மட்டுமே Top 20-இல் இடம்பெற்றுள்ளது. அது 14-வது இடத்தில் உள்ளது. டெல் அவிவ் (இஸ்ரேல்) 11-வது இடத்திற்கு முன்னேறியுள்ளது.
இந்திய நகரங்கள், உலகின் மிகக் குறைந்த செலவான நகரங்களின் பட்டியலில் இடம்பெற்றுள்ளன. பட்னா (470), போபால் (473), இந்தூர் (477) ஆகியவை கடைசி 10 இடங்களில் உள்ளன. இதனால், இந்திய நகரங்கள், கெய்ரோ (எகிப்து), லாகூர், கராச்சி (பாகிஸ்தான்) போன்ற நகரங்களை விட குறைந்த விலைவாசி கொண்ட நகரங்களாக திகழ்கின்றன.
வாழ்க்கைச் செலவு குறியீடு (Cost of Living Index) ஒவ்வொரு நகரத்திலும் நான்கு பேர் கொண்ட ஒரு குடும்பத்திற்கான மதிப்பிடப்பட்ட சராசரி செலவுகளை பிரதிபலிக்கிறது.
இந்த அறிக்கை, விலைவாசி உயர்வு, நாணய மாற்றம், வீட்டு வாடகைச் செலவுகள், அன்றாட வாழ்க்கைச் செலவுகள் ஆகியவற்றின் அடிப்படையில் தயாரிக்கப்பட்டது.
“சுவிட்சர்லாந்து நகரங்கள் உலகின் மிகச் செலவுமிக்க நாடாக இருப்பது, அங்கு வாழும் மக்களுக்கு பெரிய சவாலாக உள்ளது. அதேசமயம், இந்திய நகரங்கள் குறைந்த செலவினால் வாழ்வதற்கு ஏற்றதாக உள்ளன” என நிபுணர்கள் கூறுகின்றனர்.
உலகில் அதிக விலைவாசி கொண்ட டாப் 10 நகரங்கள்
- சூரிச்
- ஜெனீவா
- பசல்
- லௌசேன்
- லுகானோ
- பெர்ன்
- நியூயார்க்
- ரெய்க்ஜாவிக்
- ஹொனலுலு
- சான் பிரான்சிஸ்கோ
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
நெடுந்தீவு கிழக்கு, பெரியதம்பனை, முதலியார்குளம், திருநாவற்குளம்
18 Aug, 2026
மானிப்பாய், சுண்டிக்குளி, Toronto, Canada, New Jersey, United States
17 Aug, 2026
நெடுந்தீவு மேற்கு, யோகபுரம், Paris, France, Tergnier, France, Chelmsford, United Kingdom
16 Aug, 2026
புங்குடுதீவு 6ம் வட்டாரம், புங்குடுதீவு, கிளிநொச்சி, கொழும்பு, Crawley, United Kingdom
15 Aug, 2026
கரம்பொன் கிழக்கு, கரம்பொன் தெற்கு, கொழும்பு 15
19 Aug, 2021
உசன், முரசுமோட்டை, Urumpirai, பிரித்தானியா, United Kingdom
15 Aug, 2026