கனடாவில் தீவிரவாத சக்திகள்... தொடரும் அச்சுறுத்தல்: இந்தியா மீண்டும் பதிலடி

தீவிரவாதிகளுக்கு கனடா புகலிடமாக உள்ளது என கடந்த வாரம் இந்தியா குற்றஞ்சாட்டியிருந்த நிலையில், தற்போது தீவிரவாத சக்திகளுக்கு கனடா இடமளிப்பதாக வெளிவிவகார அமைச்சர் ஜெய்சங்கர் தெரிவித்துள்ளார்.

கொள்கைக்கு ஒத்துவரவில்லை

இது தொடர்பாக இந்தியா தனது கவலையை அமெரிக்காவிடம் தெரிவித்துள்ளது எனவும் அமைச்சர் ஜெய்சங்கர் குறிப்பிட்டுள்ளார். காலிஸ்தான் பிரிவினைவாதி ஹர்தீப் சிங் நிஜ்ஜர் படுகொலை தொடர்பில் தனிப்பட்ட முறையிலும்,

@reuters

பின்னர் வெளிப்படையாகவும் கனேடிய பிரதமர் ஜஸ்டின் ட்ரூடோ கருத்து தெரிவித்துள்ளதை குறிப்பிட்ட அமைச்சர் ஜெய்சங்கர், ட்ரூடோவின் கூற்று இந்தியாவின் கொள்கைக்கு ஒத்துவரவில்லை என்றார்.

மேலும், ட்ரூடோ அல்லது அவரது அரசாங்கத்திடம் நிஜ்ஜர் படுகொலை தொடர்பில் பொருத்தமான மற்றும் குறிப்பிடத்தக்க ஆதாரங்கள் இருந்தால், இந்தியா அதை கவனிக்க வேண்டும் என்று கனடா விரும்பினால், இந்தியா அதை கவனிக்க தயாராக இருப்பதாகவும் அமைச்சர் ஜெய்சங்கர் குறிப்பிட்டுள்ளார்.

கனடாவில் இன்னொரு சீக்கிய தலைவர் உயிருக்கு அச்சுறுத்தல்: அதிகாரிகள் எச்சரிக்கை

ஆனால் கடந்த பல ஆண்டுகளாக கனடா தீவிரவாதிகளுக்கும், மத அடிப்படைவாதிகளுக்கும், வன்முறையை தூண்டுபவர்களுக்கும் புகலிடமாக உள்ளது. அவர்கள் வெளிப்படையாக செயல்படவும் அனுமதிக்கப்பட்டுள்ளனர்.

பாதுகாப்பற்ற நிலை

இது கனேடிய அரசியல் கட்டாயமாக இருக்கலாம் எனவும் அமைச்சர் ஜெய்சங்கர் குறிப்பிட்டுள்ளார். அத்துடன், இந்திய தூதர்கள் கனடாவில் உள்ள தூதரகம் மற்றும் துணை தூதரகங்களுக்கு செல்வது பாதுகாப்பற்ற நிலையில் இருப்பதாகவும்,

@reuters

அவர்கள் பகிரங்கமாக மிரட்டப்படுவதாகவும், இதனால் இந்தியாவில் விசா சேவைகளை நிறுத்த வேண்டிய கட்டாயம் ஏற்பட்டுள்ளதாகவும் ஜெய்சங்கர் தெரிவித்துள்ளார்.

இந்த விவகாரங்கள் தொடர்பில் அமெரிக்க வெளிவிவகார அமைச்சர் ஆண்டனி பிளிங்கன் மற்றும் தேசிய பாதுகாப்பு ஆலோசகர் ஜேக் சல்லிவன் ஆகியோருடன் விவாதித்துள்ளதாகவும் அமைச்சர் ஜெய்சங்கர் குறிப்பிட்டுள்ளார்.