CSK அணிக்கு பாரிய பின்னடைவு - காயம் காரணமாக முக்கிய வீரர் விலகல்

5 முறை சாம்பியன் பட்டம் வென்ற சென்னை சூப்பர் கிங்ஸ் அணி, நடப்பு ஐபிஎல் தொடரில் 6 போட்டிகளில் விளையாடி 2 வெற்றி மற்றும் 4 தோல்விகளுடன் 4 புள்ளிகள் பெற்று 8வது இடத்தில் உள்ளது.

இந்நிலையில், அணியில் சிறப்பான ஆட்டத்தை வெளிப்படுத்தி வரும் ஆயுஷ் மாத்ரே, காயம் காரணமாக தொடரில் இருந்து விலகுவதாக CSK அணி நிர்வாகம் அறிவித்துள்ளது.

ஆயுஷ் மாத்ரே விலகல்

இது தொடர்பாக CSK அணி நிர்வாகம் வெளியிட்டுள்ள அறிக்கையில், "ஏப்ரல் 18 அன்று சன்ரைசர்ஸ் ஹைதராபாத் (SRH) அணிக்கு எதிரான போட்டியில் துடுப்பாட்டம் செய்தபோது மத்ரேவுக்கு தொடை தசைநார் காயம் ஏற்பட்டுள்ளது. 

Official Announcement

Ayush Mhatre has been ruled out of the remainder of IPL 2026 due to a left hamstring injury sustained while batting during the match against Sunrisers Hyderabad on April 18.

Ayush's injury will require a rehabilitation period of 6-12 weeks.

We wish Ayush… pic.twitter.com/7bGrFvqjY9

— Chennai Super Kings (@ChennaiIPL) April 21, 2026

ஆயுஷ் மத்ரேவுக்கு 6 முதல் 12 வாரங்கள் வரை மறுவாழ்வு சிகிச்சை தேவைப்படும். ஆயுஷ் விரைவில் குணமடைய நாங்கள் வாழ்த்துகிறோம்" என்று குறிப்பிடப்பட்டுள்ளது. 

அரிதான நோய் - இந்தியாவில் உயிருக்கு போராடும் கிரிக்கெட் வீரர்

ஆயுஷ் மத்ரே 6 போட்டிகளில் விளையாடி, 33.50 சராசரி மற்றும் 177.87 ஸ்டிரைக் ரேட்டுடன். 2 அரைசதம் உட்பட 201 ஓட்டங்கள் எடுத்துள்ளார்.

ஏற்கனேவே அனுபவம் வாய்ந்த வீரரான தோனி அணியில் இல்லாதது பெரிய பின்னடைவாக பார்க்கபட்ட நிலையில், கடந்த வாரம் வேகப்பந்து வீச்சாளர் கலீல் அகமது காயம் காரணமாக தொடரில் இருந்து வெளியேறினார். 

தற்போது ஆயுஷ் மாத்ரேவும் காயம் காரணமாக தொடரில் இருந்து வெளியேறியுள்ளது பாரிய பின்னடைவாக பார்க்கப்படுகிறது. 

எதிரணி தோற்க மாந்திரீக சடங்கு செய்த ஐபிஎல் அணி உரிமையாளர் - ரகசியத்தை உடைத்த லலித் மோடி

ஏப்ரல் 23 ஆம் திகதி மும்பையில் நடைபெற உள்ள போட்டியில், சென்னை சூப்பர் கிங்ஸ் மற்றும் மும்பை இந்தியன்ஸ் அணிகள் மோத உள்ளது.