லங்காசிறி FM
விவாகரத்தை அறிவித்த CSK வீரர் - முடிவுக்கு வந்த 4 ஆண்டு காதல் திருமணம்
CSK வீரர் ராகுல் சஹர் தனது மனைவியிடமிருந்து விவாகரத்து பெறுவதாக அறிவித்துள்ளார்.
ராகுல் சஹர்
ராஜஸ்தான் மாநிலத்தைச் சேர்ந்த சுழற்பந்து வீச்சாளரான ராகுல் சஹர்(rahul chahar), இந்திய அணிக்காக ஒருநாள் மற்றும் டி20 போட்டிகளில் விளையாடியுள்ளார். 2021 டி20 உலகக்கிண்ணத்திற்கான இந்திய அணியில் இடம்பெற்றிருந்தார்.
ஐபிஎல் தொடர்களில் முன்னதாக புனே, மும்பை, பஞ்சாப், ஹைதராபாத் ஆகிய அணிகளுக்காக விளையாடிய இவர், 2026 ஐபிஎல் தொடரில் CSK அணிக்காக விளையாட உள்ளார். ஐபிஎல் மினி ஏலத்தில் CSK அணி அவரை ரூ.5.20 கோடிக்கு ஒப்பந்தம் செய்தது.
இவர், நீண்ட நாட்களாக ஆடை வடிவமைப்பாளரான இஷானி ஜோஹரை(ishani johar) காதலித்து வந்தார்.
2019 ஆம் ஆண்டு இவர்களுக்கு நிச்சயதார்த்தம் நடைபெற்ற நிலையில், கடந்த 9 மார்ச் 2022 அன்று கோவாவில் பிரம்மாண்டமாக திருமணம் நடைபெற்றது.
இந்நிலையில் தனது 4 ஆண்டுகால காதல் திருமணம் விவாகரத்தில் முடிவதாக ராகுல் சஹர் அறிவித்துள்ளார்.
விவாகரத்து
இது தொடர்பாக அவர் வெளியிட்டுள்ள பதிவில், "நான் யாரென்றே எனக்குத் தெரியாத வயதில், எனது மதிப்பு என்னவென்று உணராத நிலையில், நான் கட்டியெழுப்ப விரும்பிய வாழ்க்கையை முழுமையாகப் புரிந்துகொள்வதற்கு முன்பே நான் திருமண வாழ்க்கைக்குள் நுழைந்தேன்.
அதனைத் தொடர்ந்து வந்த ஆண்டுகள் நான் சற்றும் எதிர்பாராத பல பாடங்களை எனக்குக் கற்றுக் கொடுத்தன. கடந்த 15 மாதங்களாக நீதிமன்றங்களில் அலைந்தது எனக்குப் பொறுமையையும், மன உறுதியையும் கற்றுக் கொடுத்துள்ளது.
இன்று என் வாழ்க்கையின் அந்த அத்தியாயம் அதிகாரப்பூர்வமாக முடிவுக்கு வருகிறது.இந்த அத்தியாயத்தை நான் கோபத்துடனோ அல்லது வருத்தத்துடனோ முடிக்கவில்லை. மிகவும் தெளிவாகவே இந்த முடிவை எடுத்துள்ளேன்.
சில உறவுகள் வாழ்நாள் முழுவதும் நீடிப்பதில்லை, அவை நம்மை விழிப்படையச் செய்யவும், சில பாடங்களைக் கற்றுக் கொடுக்கவுமே வருகின்றன.இப்போது நான் சுய விழிப்புடனும், எனக்குத் தேவையான வாழ்க்கையை அமைத்துக்கொள்ளும் உறுதியுடனும் முன்னேறிச் செல்கிறேன்.
இது ஒரு முடிவல்ல, இது ஒரு விடுதலை. எந்தக் கசப்புணர்வையும் நான் சுமந்து செல்லவில்லை. பாடங்களையும், கண்ணியத்தையும், மீண்டும் தொடங்கும் துணிச்சலையும் மட்டுமே சுமந்து செல்கிறேன்" என தெரிவித்துள்ளார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
யாழ்ப்பாணம், கொழும்பு, Kajang, Malaysia, London, United Kingdom, Birmingham, United Kingdom
21 Feb, 2025
நெடுந்தீவு, புங்குடுதீவு 7ம் வட்டாரம், புங்குடுதீவு 3ம் வட்டாரம், Hamilton, Canada
03 Mar, 2025
நாரந்தனை தெற்கு, Berlin, Germany, Castrop-Rauxel, Germany
17 Feb, 2026
