லங்காசிறி FM
ஐபிஎல் பரிசளிப்பு நிகழ்ச்சிகள்:CSK வீரர் ரவிச்சந்திரன் அஸ்வினின் அதிரடி விமர்சனம்
Thiru
in கிரிக்கெட்
ஐபிஎல் பரிசளிப்பு நிகழ்ச்சிகள் குறித்து சென்னை சூப்பர் கிங்ஸ் வீரர் ரவிச்சந்திரன் அஸ்வின் கிண்டல் செய்து விமர்சனம் செய்து இருப்பது வைரலாகி உள்ளது.
பந்துவீச்சாளர்களுக்கு இழைக்கப்படும் அநீதி
ஐபிஎல் டி20 லீக் (IPL T20 League) மற்ற சர்வதேச டி20 லீக்குகளை விட தரத்தில் குறைந்து வருவதாக கிரிக்கெட் விமர்சகர்கள் கருத்து தெரிவித்துள்ளனர்.
குறிப்பாக, பந்துவீச்சாளர்களை புறக்கணித்து பேட்ஸ்மேன்களுக்கு மட்டுமே முக்கியத்துவம் அளிப்பது போட்டியின் விறுவிறுப்பை குறைப்பதாக கூறப்படுகிறது.
இந்நிலையில், ஐபிஎல் போட்டிகளின் பரிசளிப்பு நிகழ்ச்சிகள் குறித்தும் இந்திய அணியின் நட்சத்திர வீரர் ரவிச்சந்திரன் அஸ்வின் தனது யூடியூப் சேனலில் காரசாரமான விமர்சனங்களை முன்வைத்துள்ளார்.
ரவிச்சந்திரன் அஸ்வின் கருத்து
"ஐபிஎல் பரிசளிப்பு நிகழ்ச்சிகளில் ஏராளமான பரிசுகள் வழங்கப்படுகின்றன. ஆனால், அவற்றில் பெரும்பாலானவை பேட்ஸ்மேன்களை மையப்படுத்தியே உள்ளன. பந்துவீச்சாளர்களின் சிறப்பான செயல்பாடுகள் பெரும்பாலும் கண்டுகொள்ளப்படுவதில்லை. சூப்பர் ஸ்ட்ரைக்கர், சூப்பர் ஃபோர்ஸ், சூப்பர் சிக்சர்கள் என பல பரிசுகள் உள்ளன. ஆனால், சூப்பர் பந்துக்கான பரிசு எங்கே?" என்று அஸ்வின் கேள்வி எழுப்பினார்.
மேலும், "அதிவேக பந்து வீசியதற்காக ஒரு முறை பரிசு வழங்கப்பட்டது. ஆனால், அந்த பந்தில் சிக்ஸர் சென்றது. இது எந்த விதத்தில் நியாயம்?" என்றும் அவர் விமர்சித்தார்.
"விரைவில் பந்துவீச்சாளர்கள் பந்துடன் மைதானத்தை விட்டு வெளியேறும் காலம் வரலாம். ஏனெனில், பந்துவீச்சுக்கு முக்கியத்துவம் அளிக்கப்படாததால், பந்துவீச்சாளர்கள் தங்கள் திறமையை வெளிப்படுத்த வாய்ப்பில்லாமல் போகலாம்" என்று அவர் கிண்டலாக கூறினார்.
சமீபத்தில் குஜராத் டைட்டன்ஸ் மற்றும் பஞ்சாப் கிங்ஸ் அணிகளுக்கு இடையே நடைபெற்ற போட்டியில், பஞ்சாப் அணியின் வைஷக் விஜயகுமார் சிறப்பாக பந்துவீசி அணியின் வெற்றிக்கு முக்கிய காரணமாக இருந்தார். ஆனால், அவருக்கு ஆட்டநாயகன் விருது வழங்கப்படவில்லை. இதுகுறித்து அஸ்வின் கூறுகையில், "ஷெர்பானி ரூதர்போர்டும், ஜாஸ் பட்லரும் களத்தில் இருந்தபோது, வைஷக் விஜயகுமார் தனது சிறப்பான பந்துவீச்சின் மூலம் பஞ்சாப் அணியின் வெற்றிக்கு உதவினார். அவருக்குத்தான் ஆட்டநாயகன் விருது வழங்கப்பட்டிருக்க வேண்டும்" என்று கூறினார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
Myliddy, Liverpool, United Kingdom, Gerrards Cross, United Kingdom
25 Mar, 2025
