லங்காசிறி FM
104 இலக்கை எட்ட போராடிய தென் ஆப்பிரிக்கா..சிக்ஸர் அடித்து முடித்த 'கில்லர் மில்லர்'
Sivaraj
in கிரிக்கெட்
நெதர்லாந்துக்கு எதிரான டி20 உலகக்கிண்ணப் போட்டியில் தென் ஆப்பிரிக்க அணி 4 விக்கெட் வித்தியாசத்தில் வெற்றி பெற்றது.
பார்ட்மேன் மிரட்டல் பந்துவீச்சு
நியூயார்க்கில் நடந்த இப்போட்டியில் முதலில் ஆடிய நெதர்லாந்து அணி 9 விக்கெட் இழப்பிற்கு 103 ஓட்டங்கள் எடுத்தது.
சைபிராண்ட் ஏங்கெல்பிரெட் 45 பந்துகளில் ஒரு சிக்ஸர், 2 பவுண்டரிகளுடன் 40 ஓட்டங்கள் எடுத்தார். ஒட்டனில் பார்ட்மேன் 11 ஓட்டங்கள் மட்டுமே விட்டுக்கொடுத்து 4 விக்கெட்டுகளை சாய்த்தார்.
விக்கெட்டுகள் சரிவு
பின்னர் களமிறங்கிய தென் ஆப்பிரிக்க அணிக்கு முதல் பந்திலேயே நெதர்லாந்து அதிர்ச்சி கொடுத்தது. குவிண்டன் டி காக் பந்தை சந்திக்காமலே ரன்அவுட் ஆனார்.
Baartman is the man! ⚡️
— Proteas Men (@ProteasMenCSA) June 8, 2024
Another impressive day out with the ball for the Proteas quick. #WozaNawe #BePartOfIt #OutOfThisWorld #T20WorldCup pic.twitter.com/8jKgwWFxGv
அடுத்து வான் பீக் பந்துவீச்சில் ஹென்றிக்ஸ் (3) கிளீன் போல்டு ஆனார். பின்னர் களமிறங்கிய அணித்தலைவர் மார்க்ரம் டக் அவுட் ஆன நிலையில், கிளாசென் 4 ஓட்டங்களில் வெளியேற, தென் ஆப்பிரிக்கா 12-4 என தடுமாறியது.
கில்லர் மில்லர்
அப்போது கைகோர்த்த ட்ரிஸ்டன் ஸ்டப்ஸ், டேவிட் மில்லர் கூட்டணி அணியை வெற்றிப் பாதைக்கு அழைத்துச் சென்றது. ஸ்டப்ஸ் 37 பந்துகளில் 33 ஓட்டங்கள் எடுத்த நிலையில் லீடே பந்துவீச்சில் ஆட்டமிழந்தார்.
அணியின் வெற்றிக்கு 9 பந்துகளில் 8 ஓட்டங்கள் தேவைப்பட்டது. அப்போது 49 ஓட்டங்களில் இருந்த டேவிட் மில்லர் (David Miller) பவுண்டரி, சிக்ஸர் விளாசி ஆட்டத்தை வெற்றிகரமாக முடித்து வைத்தார்.
அவர் 51 பந்துகளில் 4 சிக்ஸர், 3 பவுண்டரிகளுடன் 59 ஓட்டங்கள் விளாசினார். நெதர்லாந்து தரப்பில் கிங்மா, வான் பீக் தலா 2 விக்கெட்டுகள் கைப்பற்றினர்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
உரும்பிராய் கிழக்கு, நவாலி வடக்கு, London, United Kingdom
07 Jan, 2025
நெடுந்தீவு மேற்கு, பாண்டியன்குளம், Scarborough, Canada, Whitby, Canada
13 Dec, 2024
நல்லூர், ஆனைக்கோட்டை, Lewisham, United Kingdom, Edgware, United Kingdom
11 Dec, 2024
புங்குடுதீவு 2ம் வட்டாரம், Netherland, United States, Switzerland, United States
09 Jan, 2015
யாழ் அல்லைப்பிட்டி 3ம் வட்டாரம், Jaffna, Ivry-sur-Seine, France
12 Jan, 2022
