கடலில் 3000 அடி ஆழத்தில் கிடைத்த 6 வயது சிறுமியின் சடலம்! பெற்ற தந்தையே செய்த கொடூர செயல்
ஸ்பெயினில் கடலுக்குள் 3000 அடி ஆழத்தில் ஒரு விளையாட்டு பையில் ஒரு சிறுமியின் சடலம் கண்டெடுக்கப்பட்டுள்ளது.
அது சமீபத்தில் தந்தையுடன் காணாமல் போனதாக கூறப்பட்ட 6 வயது சிறுமி Olivia Gimeno-வின் உடலாக இருக்கலாம் என கூறப்படுகிறது.
மேலும் அந்த சிறுமியை அவரது தந்தை Tomas Gimeno திட்டமிட்டு கொலை செய்து கடலில் வீசி இருக்கலாம் என கருதப்படுகிறது.
Tomas Gimeno கடந்த ஏப்ரல் 27-ஆம் திகதி தனது மனைவி Beatriz Zimmerman உடன் சண்டையிட்டு, தனது மகள்களான Olivia Gimeno (6) மற்றும் Anna Gimeno (1) இருவரையும் பிடுங்கிக்கொண்டு வீட்டைவிட்டுச் சென்றுள்ளார்.
அதன்பிறகு அவர்களை பற்றிய விவரம் எதுவும் கிடைக்கவில்லை என்பதால் குடும்பத்தினரால் பொலிஸில் புகார் அளிக்கப்பட்டது.
பொலிஸார் அவர்களை தேடிவந்த நிலையில், கடந்த திங்கட்கிழமை ஸ்பானிஷ் தீவான Tenerife-ன் கடற்கரையில், Tomas-ன் Diving Bottle மற்றும் மெத்தை படுக்கையும் (duvet cover) கண்டுபிடிக்கப்பட்டுள்ளது.
இந்த நிலையில், நேற்று Tenerife தீவைச் சுற்றியுள்ள அட்லாண்டிக் கடலில் மீட்புக் கப்பல் மற்றும் ரோபாட் மூலம் தேடுதல் பணி நடத்தப்பட்டது. அப்போது 3000 அடியில் 2 விளையாட்டு பைகள் (Sports Bag) கண்டுபிடிக்கப்பட்டன.
அதில் ஒரு பையில் 6 வயது மதிக்கத்தக்க சிறுமியின் உடன் இருந்தது. அது Oliviaவாக இருக்கலாம் என நம்பப்படும் நிலையில், உடல் பரிசோதனைக்காக அனுப்பி வைக்கப்பட்டுள்ளது.
மற்றோரு பையில் 1 வயது Anna-வின் உடல் இருந்திருக்கலாம் என சந்தேகிக்கப்படுகிறது. அதனால் அக்குழந்தையின் உடலை தேடும் பணியில் மீட்புக்குழு ஈடுபடுத்தப்பட்டுள்ளது.
இந்நிலையில், ஸ்பெயினின் பிரதமர் Pedro Sanchez குழந்தைகளின் தாய் மற்றும் குடும்பத்தினருக்கு ஆறுதல் தெரிவித்துள்ளார்.