லங்காசிறி FM
CSK அணி வித்தியாசமானது, தோனி எதுவும் கூறமாட்டார்: வேகப்பந்து வீச்சாளர் நெகிழ்ச்சி
Sivaraj
in கிரிக்கெட்
சென்னை சூப்பர் கிங்ஸ் அணியின் சூழ்நிலை வித்தியாசமானது என வேகப்பந்து வீச்சாளர் தீபக் சாஹர் நெகிழ்ச்சியுடன் கூறியுள்ளார்.
தீபக் சாஹர்
நாளை நடைபெற ஐபிஎல் இறுதிப் போட்டியில் சென்னை சூப்பர் கிங்ஸ் அணி, குஜராத் டைட்டன்ஸ் அணியை எதிர்கொள்கிறது. இதற்காக இரு அணி வீரர்களும் தீவிர பயிற்சி மேற்கொண்டு வருகின்றனர்.
இந்நிலையில் CSKயின் வேகப்பந்து வீச்சாளர் தீபக் சாஹர் நேர்காணல் ஒன்றில் தனது அணி குறித்து சிலாகித்து பேசியுள்ளார். அவர் கூறுகையில்,
'சென்னை சூப்பர் கிங்ஸ் அணியின் சூழ்நிலை வித்தியாசமானது. அனைத்துமே உங்கள் தேர்வுதான். நீங்கள் பயிற்சி ஆட்டத்தில் பங்கேற்க வேண்டும் என்றோ, உடற்பயிற்சி கூடத்திற்கு செல்ல வேண்டும் என்றோ யாரும் கூற மாட்டார்கள்.
நீங்கள் தொழில்முறை வீரர், நீங்கள் என்ன செய்ய வேண்டும் என்பது உங்கள் பொறுப்பு. உங்களுக்கு தேவையென்றால் பயிற்சி ஆட்டத்தில் பங்கேற்கலாம். ஆனால் ஆடுகளத்தில் நீங்கள் சிறப்பாக செயல்பட வேண்டும். ஒருவேளை போட்டியில் தோல்வியடைந்தாலும் நீங்கள் தான் காரணம் என யாரும் உங்களை நோக்கி கூற மாட்டார்கள்' என தெரிவித்துள்ளார்.
BCCI/IPL
தோனி குறித்து நெகிழ்ச்சி
மேலும் தோனி குறித்து அவர் கூறும்போது, 'தோனி எதுவும் கூறமாட்டார். கடந்த முறை ஒரு சீசனில் நாங்கள் சிறப்பாக செயல்படவில்லை, ஆனால் அணி சூழ்நிலை சிறப்பாக தான் இருந்தது. யாரிடம் இருந்தும் எந்த அழுத்தமும் வராது.
மற்றொரு காரணம் தோனி. நான் முதலில் சென்னை அணிக்கு வந்தபோது, எப்போதும் அணியில் உள்ள ஜூனியர் வீரர்களுடன் இருந்து அவர் சாப்பிடுவதை கவனித்தேன்.
தோனி ஏதேனும் சரி என்று நினைத்தால் அதில் உறுதியாக இருப்பார்' என்றார். நடப்பு ஐபிஎல் தொடரில் தீபக் சாஹர் 12 விக்கெட்டுகளை கைப்பற்றியுள்ளார் என்பது குறிப்பிடத்தக்கது.
IPL
உரும்பிராய் கிழக்கு, யாழ் கோண்டாவில் கிழக்கு, Jaffna, Scarborough, Canada, Boston, United States
14 Jan, 2025
