லங்காசிறி FM
ஐபிஎல்-லில் கலக்கல் ஆட்டம்.. 10 கோடிக்கு கனவு வீட்டை வாங்கிய வீரர்!
டெல்லி கேப்பிடல்ஸ் அணி வீரர் பிரித்வி ஷா மும்பையில் 10.5 கோடி செலவில் தனது கனவு வீட்டை வாங்கியுள்ளார்.
நடப்பு ஐபிஎல் தொடரில் டெல்லி அணியின் தொடக்க வீரராக களமிறங்கி மிரட்டி வரும் வீரர் பிரித்வி ஷா. இவர் கடந்த 2018ஆம் ஆண்டு U-19 உலகக்கோப்பை தொடரில் அணித்தலைவராக செயல்பட்டு வெற்றி கண்டவர்.
அதனைத் தொடர்ந்து ஐபிஎல் தொடர்களில் டெல்லி அணியில் விளையாடி வரும் இவரை, அந்த அணி மீண்டும் தக்க வைத்துள்ளது. டெல்லி அணியால் 2018ஆம் ஆண்டு 1.2 கோடிக்கு வாங்கப்பட்ட பிரித்வி ஷா, நடப்பு தொடரில் 7.50 கோடிக்கு வாங்கப்பட்டார். இதுவரை ஐபிஎல் தொடர்களில் அவர் 12.30 கோடி சம்பாதித்துள்ளார்.
இந்த நிலையில், 10.5 கோடி செலவில் மும்பையின் பாந்த்ரா நகரில் உள்ள அடுக்குமாடி குடியிருப்பில் வீடு ஒன்றை வாங்கியுள்ளார். இது அவரது கனவு வீடாகும். மொத்தம் 2,209 சதுர அடி கொண்ட இந்த வீட்டிற்கு முன்பணமாக 53.50 லட்சத்தை, கடந்த 31ஆம் திகதி கொடுத்து பிரித்வி ஷா ஒப்பந்தம் செய்தார். இதற்கான பத்திரப்பதிவு தற்போது முடிந்துள்ளது.
2022 ஐபிஎல் தொடரில் இதுவரை 9 போட்டிகளில் விளையாடியுள்ள பிரித்வி ஷா 259 ஓட்டங்கள் எடுத்துள்ளார்.
நெடுந்தீவு, மானிப்பாய், வளசரவாக்கம், India, பளை, திருநாவற்குளம்
22 Feb, 2026
