லங்காசிறி FM
நடுவானில் விமானத்தின் என்ஜினில் பற்றிய தீ: இணையத்தில் பரவும் பரபரப்பு காட்சி!
லாஸ் ஏஞ்சல்ஸில் டெல்டா விமானத்தில் என்ஜின் திடீரென தீப்பிடித்து எரிந்ததால் அவசர அவசரமாக தரையிறங்கியுள்ளது.
நடுவானில் விமானத்தின் என்ஜினில் தீ
நேற்று, அட்லாண்டா நோக்கிப் புறப்பட்ட டெல்டா ஏர்லைன்ஸ் நிறுவனத்தின் போயிங் 767-400 ரக பயணிகள் விமானம், லாஸ் ஏஞ்சல்ஸ் சர்வதேச விமான நிலையத்திலிருந்து (LAX) கிளம்பிய சிறிது நேரத்திலேயே அதன் இடது எஞ்சினில் தீப்பிடித்ததால், மீண்டும் லாஸ் ஏஞ்சல்ஸ் விமான நிலையத்திலேயே அவசரமாக தரையிறங்க நேர்ந்தது.
❗️Boeing 787 Makes Emergency Landing in LA 🇺🇸 - Engine ON FIRE 🔥
— RT_India (@RT_India_news) July 19, 2025
Video claims to show a Delta Airlines flight bound for Atlanta on Friday making an emergency landing at LAX. The engine reportedly caught fire shortly after take-off.
📹 @LAFlightsLIVE https://t.co/t1HBVLDi0P pic.twitter.com/vYNgkpZJcq
விமானி உடனடியாக அவசர நிலையை அறிவித்ததையடுத்து, விமானப் போக்குவரத்துக் கட்டுப்பாட்டு அறை, விமானத்தை மீண்டும் விமான நிலையத்திற்கே திரும்ப வழிநடத்தியது.
விமானம் தரையிறங்கியதும், தீயணைப்பு படையினர் விரைந்து செயல்பட்டு தீயை அணைத்தனர்.
இந்தச் சம்பவத்தில் பயணிகள் அல்லது ஊழியர்கள் எவருக்கும் காயம் ஏற்படவில்லை.
இந்த விபத்துக்கான காரணம் குறித்து தற்போது விசாரணை நடைபெற்று வருகிறது.
இந்த ஆண்டு டெல்டா விமானத்தில் எஞ்சின் தீப்பிடிப்பது இது இரண்டாவது முறையாகும்.
கடந்த ஏப்ரல் மாதமும் ஆர்லாண்டோ சர்வதேச விமான நிலையத்தில் இதேபோன்ற ஒரு சம்பவம் நிகழ்ந்தது குறிப்பிடத்தக்கது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள் |
நெடுந்தீவு, யோகபுரம், டென்மார்க், Denmark, ஜேர்மனி, Germany, Coventry, United Kingdom
13 Jul, 2025
