லங்காசிறி FM
உலகின் வாழத்தகுதியான நகரங்களின் பட்டியல்: முதலிடத்தில் ஐரோப்பிய நகரம்
தி எகனாமிஸ்ட் பத்திரிகை வெளியிட்டுள்ள உலகில் வாழ்வதற்கு ஏற்ற நகரங்களின் பட்டியலில் வியன்னா முதலிடத்தை பிடித்துள்ளது.
பிரித்தானிய வாரஇதழான தி எகனாமிஸ்ட், ஆண்டுதோறும் உலகின் வாழத்தகுதியான நகரங்களின் பட்டியலை வெளியிட்டு வருகிறது. அந்த வகையில் 2022 ஆண்டுக்கான பட்டியலை தற்போது வெளியிட்டுள்ளது.
இதில் ஐரோப்பிய நாடான ஆஸ்திரியாவின் வியன்னா முதலிடத்தை பிடித்துள்ளது. இந்நகரம் கலாச்சாரம் மற்றும் சுற்றுச்சூழலில் 100க்கு 96.3 மதிப்பெண்களை பெற்றது.
அதேப்போல் சரியான நிலைத்தன்மை, சுகாதாரம், கல்வி மற்றும் கட்டமைப்பு ஆகியவற்றில் நல்ல மதிப்பெண்களை பெற்றுள்ளது. கடந்த 2018 மற்றும் 2019 ஆண்டுகளிலும் வியன்னா முதலிடத்தை பிடித்திருந்தது.
Photo Credit: Ian G Dagnall / Alamy Stock Photo
இந்த ஆய்வு அறிக்கையானது, தங்கள் தரவரிசையில் மேற்கு ஐரோப்பிய மற்றும் கனேடிய நகரங்கள் ஆதிக்கம் செலுத்துவதாகவும், அதிக கோவிட்-19 தடுப்பூசி விகிதங்கள் மற்றும் கட்டுப்பாடுகளை தளர்த்துவதன் காரணமாக இந்த நகரங்களில் வாழ்க்கை முறையானது, கிட்டத்தட்ட இயல்பு நிலைக்கு திரும்பியுள்ளதாகவும் கூறுகிறது.
2022ஆம் ஆண்டுக்கான இந்த முடிவுகள் அனைத்து நகரங்களிலும் முன்னேற்றத்தின் போக்கைக் காட்டுகின்றன. ஆனால், ஒட்டுமொத்த உலகின் வாழ்க்கைத் தரம் தொற்றுநோய் தொடங்குவதற்கு முன்பு இருந்ததை விட இன்னும் குறைவாகவே உள்ளதாக தெரிவிக்கப்பட்டுள்ளது.
Photo Credit: REUTERS/Lisi Niesner
அத்துடன் கணக்கிற்கு எடுக்கப்பட்ட 173 நகரங்களில் ஒவ்வொரு நகரமும் பல காரணிகளின் அடிப்படையில் மதிப்பிடப்பட்டு, சராசரி மதிப்பெண்ணின் அடிப்படையில் தரவரிசைப்படுத்தப்பட்டுள்ளதாகவும் கூறப்பட்டுள்ளது.
'வாழும் தன்மை பற்றிய கருத்து எளிமையானது: உலகெங்கிலும் எந்த இடங்கள் சிறந்த அல்லது மோசமான வாழ்க்கை நிலைமைகளை வழங்குகின்றன என்பதை இது மதிப்பிடுகிறது' எனவும் எகனாமிஸ்ட் அறிக்கை கூறுகிறது.
மேலும், ஒவ்வொரு நகரத்திற்கும் 30க்கும் மேற்பட்ட தரத்திலான வசதிக்காக ஒரு மதிப்பீடு ஒதுக்கப்பட்டுள்ளது மற்றும் நிலைத்தன்மை, சுகாதாரம், கலாச்சாரம் மற்றும் சுற்றுச்சூழல், கல்வி மற்றும் உள்கட்டமைப்பு ஆகியவற்றின் அடிப்படையிலும் இந்த பட்டியல் தயாரிக்கப்பட்டுள்ளதாகவும் குறிப்பிட்டுள்ளது.
வாழத்தகுதியான சிறந்த நகரங்களின் பட்டியல்:
- வியன்னா (ஆஸ்திரியா)
- கோப்பென்ஹாகேன் (டென்மார்க்)
- சூரிச் (சுவிட்சர்லாந்து)
- கால்கேரி (கனடா)
- வான்கோவர் (கனடா)
- ஜெனீவா (சுவிட்சர்லாந்து)
- பிராங்க்பர்ட் (ஜேர்மனி)
- டொரோண்டோ (கனடா)
- ஆம்ஸ்டர்டாம் (நெதர்லாந்து)
- மெல்போர்ன் (அவுஸ்திரேலியா), ஒசாகா (ஜப்பான்)
வேலணை மேற்கு 8ம் வட்டாரம், London, United Kingdom
03 Nov, 2024
Kuala Lumpur, Malaysia, தொல்புரம், Gunzenhausen, Germany
24 Sep, 2025
சில்லாலை, யாழ்ப்பாணம், Wassenberg, Germany, Markham, Canada
16 Oct, 2025
தெல்லிப்பழை, பேராதனை, கொழும்பு, Fredericton, Canada, Toronto, Canada
08 Oct, 2025
புங்குடுதீவு 2ம் வட்டாரம், புங்குடுதீவு 12ம் வட்டாரம், Markham, Canada
17 Oct, 2024