எதிர்ப்புக்கு பணிந்த அரசு - ராஜினாமாவை அறிவித்த தர்மேந்திர பிரதான்

மத்திய கல்வி அமைச்சர் தர்மேந்திர பிரதான் பதவியை ராஜினாமா செய்துள்ளார்.

டெல்லி போராட்டம்

நீட் தேர்வு முறைகேடுகளுக்கு பொறுப்பேற்று, மத்திய கல்வி அமைச்சர் தர்மேந்திர பிரதான் பதவி விலக வேண்டும் என டெல்லியில் கரப்பான்பூச்சி ஜனதா கட்சி(CJP) கடந்த ஒரு மாதத்திற்கும் மேலாக போராட்டம் நடத்தி வருகிறது. 

போராட்ட குழுவினர் மீது தடியடி நடத்தியதால், போராட்டம் நாடு முழுவதும் பரவி தீவிரமடைந்துள்ளது. நேற்று அரசுடன் CJP பிரதிநிதிகள் 2ஆம் கட்ட பேச்சுவார்த்தை நடத்தினர்.

தர்மந்திர பிரதான் பதவி விலக வேண்டும் என்ற கோரிக்கைக்கு, நாளை மதியம் வரை அரசு அவகாசம் கோரியது. 

சனம் ஷெட்டியிடம் மைக் பறிக்கப்பட்டதா? நீட் போராட்டத்தில் நடந்தது என்ன?

இந்நிலையில், தனது பதவியை ராஜினாமா செய்வதாக தர்மேந்திர பிரதான் பிரதமர் மோடிக்கு கடிதம் எழுதியுள்ளார்.

ராஜினாமாவை அறிவித்த தர்மேந்திர பிரதான்

இது குறித்து அவர் எழுதியுள்ள கடித்தில், “என் இளம் நண்பர்களே, நாற்பது ஆண்டுகளுக்கும் மேலாக, நான் மாணவர்கள், ஆசிரியர்கள் மற்றும் கல்வி சீர்திருத்தத்திற்காக என்னை அர்ப்பணித்துள்ளேன். 

நாட்டின் இளைஞர்களின் அபிலாஷைகள், உணர்வுகள் மற்றும் நியாயமான எதிர்பார்ப்புகளை நான் ஆழ்ந்து மதிக்கிறேன். முதல் நாளிலிருந்தே, நான் முழுப் பொறுப்பையும் ஏற்றுக்கொண்டேன், இந்தச் சூழ்நிலையிலிருந்து ஒருபோதும் விலகவில்லை.

எந்தவொரு திறமையான மாணவரின் ஆற்றலும் 'தேர்வு மாஃபியாவால்' பாழாக்கப்படக் கூடாது என்றும், எந்தவொரு மாணவரும் அநீதிக்கு ஆளாகக் கூடாது என்றும் நான் உறுதியாக இருந்தேன்.

இருப்பினும், இந்தக் காலகட்டத்திலும்கூட, பொறுப்புள்ள பதவிகளில் இருந்த தனிநபர்கள் தடைகளை உருவாக்கவும் மாணவர்களைத் தவறாக வழிநடத்தவும் முயன்றனர், இது எனக்கு மிகுந்த மன உளைச்சலை ஏற்படுத்தியது.

நமது ஜனநாயகத்தின் வலிமையின் மீது நான் எப்போதும் அசைக்க முடியாத நம்பிக்கை கொண்டுள்ளேன், மேலும் இளைஞர்களின் அபிலாஷைகள், கனவுகள் மற்றும் எதிர்பார்ப்புகளை நான் ஆழ்ந்து மதிக்கிறேன். அவர்கள் வெறும் இந்தியாவின் எதிர்காலம் மட்டுமல்ல, அவர்கள் ஒரு புதிய மற்றும் வளர்ந்த இந்தியாவின் வழிகாட்டிகள், உருவாக்குபவர்கள் மற்றும் சிற்பிகள்.

கடந்த 10 நாட்களில் நடந்த நிகழ்வுகளால் நான் வேதனைப்படுகிறேன். இது எனக்கு தனிப்பட்ட கௌரவம் சம்பந்தப்பட்ட விஷயம் அல்ல. இந்தியாவின் இளைஞர் சக்தியே இந்த தேசத்தின் உண்மையான பலம். நாட்டின் இளைஞர்கள் குழப்ப வலையில் சிக்கிக்கொள்ள நான் அனுமதிக்க மாட்டேன் என்பதே எனது உறுதி. 

pic.twitter.com/VSArqS98OJ

— Dharmendra Pradhan (@dpradhanbjp) July 25, 2026

ஜந்தர் மந்தரிலும் நாடு முழுவதிலும் நிலவும் சூழ்நிலையைக் கருத்தில் கொண்டு தேசவிரோத சக்திகள் அதைத் தவறாகப் பயன்படுத்துவதைத் தடுப்பது, தேசிய ஒற்றுமையைப் பாதுகாப்பது, எந்தவொரு இந்திய மாணவரின் எதிர்காலமும் சட்டச் சிக்கல்களில் சிக்காமல் இருப்பதை உறுதி செய்வது, மற்றும் நமது பிள்ளைகள் தங்கள் நேரத்தைப் படிப்பில் செலவிட்டு, தங்கள் தொழில் வாழ்க்கையை உருவாக்குவதில் கவனம் செலுத்த அனுமதிப்பது ஆகிய நோக்கங்களுடன் மாண்புமிகு பிரதமரிடம் எனது ராஜினாமாவைச் சமர்ப்பித்துள்ளேன்" என தெரிவித்துள்ளார்.

இதனையடுத்து, டெல்லி ஜந்தர் மந்தரில் போராடி வருபவர்கள் இனிப்பு வழங்கி கொண்டாடி வருகின்றனர்.