கழிப்பறையில் வைத்து கபடி வீராங்கனைகளுக்கு உணவு! வைரலான வீடியோ.. வேதனை தெரிவித்த ஷிகர் தவான்

கபடி வீராங்கனைகளுக்கு கழிப்பறையில் உணவு வைக்கப்பட்டது உத்தரப் பிரதேச மாநிலத்தில் அதிர்வலைகளை ஏற்படுத்தியது

மாநில அளவிலான கபடி வீராங்கனைகளுக்கு கழிப்பறையில் உணவு உண்பது வேதனை - ஷிகர் தவான்

கபடி விளையாட்டு வீராங்கனைகளுக்கு தயாரிக்கப்பட்ட உணவு கழிப்பறையில் வைக்கப்பட்டிருந்தது தொடர்பான வீடியோவை பகிர்ந்து இந்திய கிரிக்கெட் வீரர் ஷிகர் தவான் வேதனை தெரிவித்துள்ளார்.

உத்தரப் பிரதேச மாநிலம் ஷஹரன்பூர் மாவட்டத்தில் கடந்த 16-ஆம் திகதி கபடி விளையாட்டுப் போட்டி நடைபெற்றது.

அப்போது விளையாட்டு வீராங்கனைகளுக்கு சரியாக வேகாத உணவு வழங்கப்பட்டதாகவும், உணவு கழிப்பறையில் வைக்கப்பட்டு பரிமாறப்பட்டதாகவும் புகார் எழுந்தது.

இடப்பற்றாக்குறை காரணமாக தங்களுக்கு இப்படி உணவு வழங்கப்படுவதாக வீராங்கனைகள் கூறினர்.

இந்த நிலையில், விளையாட்டு வீராங்கனைகளுக்கு வழங்கப்பட்ட உணவு, கழிப்பறையில் வைக்கப்பட்டிருந்த வீடியோ வெளியாகி பெரும் அதிர்ச்சியை ஏற்படுத்தியது. இந்த வீடியோ இணையத்தில் வைரலானதையடுத்து, அந்த மாவட்ட விளையாட்டுத் துறை அதிகாரி அனிமேஷ் சக்சேனாவை அதிகாரிகள் இடைநீக்கம் செய்துள்ளனர்.

This is very disheartening to see Kabaddi players at State level tournament having food in toilet. Would request @myogiadityanath & @UPGovtSports to look into the same and take necessary action. pic.twitter.com/2pekZW8Icx

— Shikhar Dhawan (@SDhawan25) September 21, 2022

மேலும் இது குறித்து விசாரணை நடத்த, மாநில அரசும் உத்தரவு பிறப்பித்துள்ளது. இந்த சம்பவத்துக்கு மக்கள் கடும் கண்டனம் தெரிவித்துள்ளனர். இந்திய கிரிக்கெட் வீரர் ஷிகர் தவான்,  வீடியோவை தனது ட்விட்டர் பக்கத்தில் பகிர்ந்துள்ளார்.

அத்துடன், 'மாநில அளவிலான போட்டியில் கபடி வீராங்கனைகள் கழிப்பறையில் உணவு உண்பது மிகவும் வருத்தமளிக்கிறது. முதல்வர் யோகி ஆதித்யநாத் மற்றும் உத்தரப் பிரதேச அரசு விளையாட்டு நிர்வாகம் இதனை பரிசீலித்து தேவையான நடவடிக்கை எடுக்க வேண்டும்' என தெரிவித்துள்ளார்.  

Twitter