அப்பாவை எதற்காக பிடிக்கும்! தோனி மகள் கூறிய வியப்பூட்டும் காரணம்

“அப்பா என்றால் பணம்” அதனால் அவரை பிடிக்கும் என்று தன்னுடைய மகள் கூறியதாக கிரிக்கெட் வீரர் தோனி பேசும் வீடியோ சமூக ஊடகத்தில் மீண்டும் பரவி வருகிறது.

திரைத்துறையில் தோனி

இந்திய கிரிக்கெட் அணியின் நட்சத்திர வீரர் மகேந்திர சிங் தோனி, இந்திய அணியின் தலைசிறந்த கேப்டன்களில் ஒருவராக மதிக்கப்படுகிறார், இவர் அனைத்து சர்வதேச போட்டிகளில் இருந்தும் ஓய்வை அறிவித்த விட்ட நிலையில் தற்போது ஐபிஎல்-லில் சென்னை சூப்பர் கிங்ஸ் அணிக்காக மட்டும் விளையாடி வருகிறார்.

இதற்கிடையில்  தோனி எண்டர்டெயின்மென்ட் என்ற புதிய நிறுவனத்தின் கீழ் தமிழில் எல்.ஜி.எம் என்ற திரைப்படத்தை தோனி தயாரித்து வருகிறார்.

மேலும் அவர் விரைவில் திரைப்படத்தில் நடிப்பார் என்றும் எதிர்பார்க்கப்படுகிறது, தோனி ஏற்கனவே சிறு சிறு விளம்பரங்களில் அவ்வப்போது நடத்து வருவது குறிப்பிடத்தக்கது.

இந்நிலையில் தோனி தன்னுடைய நடிப்பு குறித்து பேசிய பழைய வீடியோ ஒன்று சமூக வலைத்தளத்தில் மீண்டும் பரவி வருகிறது.

அதில், “எனக்கு அவ்வளவாக நடிக்க தெரியாது, ஆனால் இயக்குநர் செல்லி தருவதை அப்படியே செய்து விடுவேன், எனவே என்னுடைய நடிப்பில் குறை இருந்தால் அதற்கு இயக்குநர்களே காரணம் என்று தெரிவித்துள்ளார்.

அப்பாவை இதற்காக தான் பிடிக்கும்

இந்நிலையில் அதே வீடியோவில் தோனி அவருடைய மகள் ஜிவா(Ziva) குறித்த சுவாரஸ்யமான தகவல் ஒன்றையும் பகிர்ந்துள்ளார்.  

அதில், தந்தையாக இருப்பதை வார்த்தைகளால் விவரிக்க முடியாது, என் மகள் ஜிவா இப்போது எல்லாம் நிறைய கேள்வி கேட்டுக் கொண்டே இருக்கிறாள். 

யாரேனும் உன் தந்தையை எதற்காக பிடிக்கும் என்று அவளிடம் கேட்டால், அதற்கு அவள் “அப்பா என்றால் பணம்” அதற்காக அப்பாவை எனக்கு பிடிக்கும் என்று சொல்கிறாள் என்று புன்னகையுடன் தோனி குறிப்பிட்டார்.