பேரழிவு... வேறு வழி தெரியவில்லை: பிரபல லண்டன் மருத்துவமனை அறிவிப்பு

Corona Royal London Hospital Disater

By Balakumar Jan 01, 2021 08:04 PM GMT

Balakumar

in ஐக்கிய இராச்சியம்

Report

லண்டனின் மிகவும் பிரபலமான மருத்துவமனை ஒன்று, அவசர சிகிச்சை கட்டாயம் தேவைப்படும் நோயாளிகளுக்கு தங்களால் உரிய கவனிப்பை வழங்க முடியாத அபாயகரமான நிலையில் இருப்பதாக அறிவித்துள்ளது.

குறித்த மோசமான சூழ்நிலையை அறிவிக்கும் மின்னஞ்சல் ஒன்றை வைட் சேப்பலில் உள்ள ராயல் லண்டன் மருத்துவமனை நிர்வாகம் தங்கள் ஊழியர்களுக்கு அனுப்பியுள்ளது.

அதில், நாம் மிகவும் மோசமான சூழ்நிலையில் தற்போது இருக்கிறோம். அவசர சிகிச்சை கட்டாயம் தேவைப்படும் நோயாளிகளுக்கு உரிய கவனிப்பை வழங்க முடியாத அபாயகரமான நிலைக்கு தள்ளப்பட்டுள்ளோம்.

பகீர் கிளப்பும் இந்த கடிதத்தின் சில பகுதிகளை மருத்துவர்கள் சிலர் தங்கள் சமூக ஊடகங்களில் பகிர்ந்து அதிர்ச்சியும் கவலையும் வெளிப்படுத்தியுள்ளனர்.

வடகிழக்கு லண்டனில் உள்ள ஒவ்வொரு மருத்துவமனையும் கொரோனா நோயாளிகளின் அதிகரிக்கும் எண்ணிக்கையால் போராடி வருவதாக தகவல் வெளியாகியுள்ளது.

சில மருத்துவமனைகள் போதிய ஆக்ஸிஜன் கையிருப்பு இல்லாமல் தத்தளிப்பதாக கூறப்படுகிறது. மட்டுமின்றி அனைத்து மருத்துவமனைகளிலும் போதுமான செவிலியர்கள் எண்ணிக்கை இல்லை என்றே தகவல் வெளியாகியுள்ளது.

செவ்வாய்க்கிழமை ராயல் லண்டன் மருத்துவமனை வளாகத்தில் மொத்தமாக ஆம்புலன்ஸ் வாகனங்கள் வரிசையாக காணப்பட்டதன் பின்னரே, இந்த பகீர் கிளப்பும் தகவலும் வெளியாகியுள்ளது.

மட்டுமின்றி லண்டனில் பல மருத்துவமனைகள் ஸ்தம்பிக்கும் தருவாயில் உள்ளதாகவும், மருத்துவமனை நிர்வாகம் அதை அறிவிக்க வேண்டும் என்ற கோரிக்கையை மருத்துவர்கள் முன்வைத்து வருவதாகவும் கூறப்படுகிறது.

மேலும் ஐக்கிய இராச்சியம் செய்திகளைப் படிக்க இங்கே அழுத்தவும்