போர் பதற்றத்தின் இடையே ஜி ஜின் பிங்கை சந்திக்கும் ட்ரம்ப்

அமெரிக்க ஜனாதிபதி டொனால்ட் ட்ரம்ப் அரசுமுறைப் பயணமாக சீனாவிற்கு பயணம் மேற்கொள்ள உள்ளார். 

சீனாவிற்கு பயணம்

கடந்த அக்டோபர் மாதம் அமெரிக்க ஜனாதிபதி டொனால்ட் ட்ரம்ப் மற்றும் சீன ஜனாதிபதி ஜி ஜின்பிங் இருவரும் தென் கொரியாவில் சந்தித்தனர்.  

ஹன்டாவைரஸ் பரவல்.... இந்த நாட்டவர்களில் பாதிப்பு உறுதி

அதன் பின்னர் தற்போது இரு நாடுகளின் தலைவர்களும் மீண்டும் சந்திக்க உள்ளனர்.

இந்த முறை, டொனால்ட் ட்ரம்ப் (Donald Trump) சீனாவிற்கு பயணம் மேற்கொண்டு பெய்ஜிங்கில் ஜனாதிபதி ஜி ஜின்பிங்கை சந்திக்க உள்ளார்.

அவர் மே 13 முதல் 15 வரை பெய்ஜிங்கிற்கு பயணம் மேற்கொள்வதை சீனா உறுதிப்படுத்தியது.

ட்ரம்ப்பின் இந்தப் பயணம் அவரது பதவிக்காலத்தில் அவர் சீனாவிற்கு மேற்கொள்ளும் முதல் பயணமாகும்.

அதே சமயம் 9 ஆண்டுகளுக்குப் பிறகு அமெரிக்க ஜனாதிபதி ஒருவர் சீனாவிற்கு பயணம் மேற்கொள்ள இருக்கிறார்.

வர்த்தக உறவுகளை மேம்படுத்த

இந்த சந்திப்பில், இரு உலகப் பொருளாதார வல்லரசுகளுக்கும் இடையே நிலவும் பதற்றமான வர்த்தக உறவுகளை மேம்படுத்துவதில் இது அதிக கவனம் செலுத்தும் என எதிர்பார்க்கப்படுகிறது.

செய்தியாளர் சந்திப்பு ஒன்றில் வெளியுறவு அமைச்சகத்தின் செய்தித் தொடர்பாளர் குவோ ஜியாகுன், "சீனா-அமெரிக்க உறவுகளில் உயர்மட்ட இராஜதந்திரம் ஈடுசெய்ய முடியாத ஒரு மூலோபாய வழிகாட்டும் பங்கை வகிக்கிறது.

சமத்துவம், மரியாதை மற்றும் பரஸ்பர நன்மை என்ற உணர்வோடு அமெரிக்காவுடன் இணைந்து பணியாற்ற சீனா தயாராக உள்ளது.

இதன்மூலம் ஒத்துழைப்பை விரிவுபடுத்தவும், கருத்து வேறுபாடுகளை நிர்வகிக்கவும், நிலையற்ற மற்றும் ஒன்றோடொன்று பின்னிப்பிணைந்த உலகில் மேலும் ஸ்திரத்தன்மையையும் உறுதியையும் புகுத்தவும் முடியும்" என்றார்.