லங்காசிறி FM
என்னை வயதானவர் என்று அழைக்கவேண்டாம்: ரஷ்ய ஜனாதிபதி புடின்
உக்ரைன் ஜனாதிபதியான வோலோடிமிர் ஜெலன்ஸ்கி, உக்ரைன் போரை முடிவுக்குக் கொண்டுவருவது தொடர்பிலான பேச்சுவார்த்தைதொடர்பில் ரஷ்ய ஜனாதிபதியான விளாடிமிர் புடினுக்கு கடிதம் ஒன்றை எழுதியுள்ள நிலையில், அக்கடிதத்துக்கு புடின் அளித்துள்ள பதில் கவனம் ஈர்த்துவருகிறது.
என்னை வயதானவர் என்று அழைக்கவேண்டாம்
ஜெலன்ஸ்கி எழுதிய கடிதத்தை தான் பார்வையிட்டதாக குறிப்பிட்டுள்ள புடின், அந்தக் கடிதத்தை எழுதியவர் என்னுடைய வயதைக் குறிப்பிட்டுள்ளார்.
உலகத் தலைவர்களில் பலர் என்னைவிட அதிக வயதானவர்கள். வயது ஒரு விடயமல்ல, உங்களால் உங்கள் வேலையை ஒழுங்காகச் செய்யமுடிகிறதா என்பதுதான் முக்கியம் என்று கூறியுள்ளார்.
மேலும், தான் எப்போதுமே ஒரு சந்திப்பை மறுத்ததில்லை என்று கூறியுள்ள புடின், முதலில் சந்திப்புக்கான முறையான ஏற்பாடுகள் செய்யப்படவேண்டும் என்றும் கூறியுள்ளார்.
இந்நிலையில், தன்னுடைய கடிதத்துக்கு புடினுடைய பதில் குறித்து பேசிய ஜெலன்ஸ்கி, ரஷ்யா மீண்டும் போரைத்தான் தேர்ந்தெடுத்துள்ளது. போரை முடிவுக்குக் கொண்டுவர புடினுக்கு விருப்பம் இல்லை. அவரது பதில் பலருக்கும் ஏமாற்றத்தைத்தான் அளிக்கும் என்று கூறியுள்ளார்.
ஜெலன்ஸ்கிக்கு வயது 48. புடினுக்கு வயது 73, அமெரிக்க ஜனாதிபதியான ட்ரம்புக்கோ வயது 79. உலகிலேயே அதிக வயதுடைய தலைவர், கேமரூன் நாட்டின் ஜனாதிபதியான Paul Biya. அவருக்கு வயது 93 என்பது குறிப்பிடத்தக்கது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள் |
