லங்காசிறி FM
கனமழை மற்றும் வெள்ளத்தால் தத்தளிக்கும் கிழக்கு ஐரோப்பா: பலர் மரணம்
கிழக்கு மற்றும் மத்திய ஐரோப்பா முழுவதும் பரவலாக ஏற்பட்டுள்ள பெருவெள்ளத்தில் சிக்கி குறைந்தது நான்கு பேர் இறந்துள்ளதாக தகவல் வெளியாகியுள்ளது.
அதிக மழை பெய்யும்
பல பகுதிகளில் நதியின் நீர்மட்டம் உயர்ந்து வரும் நிலையில், வரும் நாட்களில் அதிக மழை பெய்யும் என எதிர்பார்க்கப்படுகிறது. அதிக மழைக்கு வாய்ப்பிருப்பதாக எச்சரிக்கை விடுக்கப்பட்டுள்ள ருமேனியா மற்றும் செக் குடியரசில் இதுவரை பல்லாயிரக்கணக்கான வீடுகள் சேதமடைந்துள்ளதாக கூறப்படுகிறது.
மேலும், பதிவான நான்கு இறப்புகளும் கிழக்கு ருமேனியாவின் கலாட்டி மாவட்டத்தில் ஏற்பட்டுள்ளது. இங்கு சுமார் 5,000 வீடுகள் சேதமடைந்ததுடன் 25,000 பேர்கள் மின்சாரம் இல்லாமல் தவித்தனர்.
இதனிடையே, மூன்று வயதான பெண்கள் மற்றும் ஒரு ஆணின் சடலமும் மீட்கப்பட்டுள்ளதாக அதிகாரிகள் தரப்பு உறுதி செய்துள்ளது. இதனிடையே, போலந்து, ஸ்லோவாக்கியா, ஹங்கேரி, தெற்கு ஜேர்மனி மற்றும் அவுஸ்திரியாவின் சில பகுதிகளும் அதிக கனமழையை எதிர்கொள்வதாக தகவல் வெளியாகியுள்ளது.
அச்சுறுத்தும் வகையில் இருக்கலாம்
செக் குடியரசின் வடக்கே, மிக மோசமான வெள்ளப்பெருக்கு காரணமாக 50,000க்கும் மேற்பட்ட வீடுகள் மின்சாரம் இல்லாமல் இருளில் மூழ்கின. நாட்டின் சில பகுதிகள் ஞாயிற்றுக்கிழமைக்குள் சராசரி ஆண்டு மழையில் மூன்றில் ஒரு பங்கை விட அதிகமாக எதிர்கொள்ளக் கூடும் என அதிகாரிகள் தரப்பு எச்சரித்துள்ளனர்.
செக் குடியரசின் பிரதமர் Petr Fiala தெரிவிக்கையில் மிக மோசமான நிலையை எதிர்கொள்ள இருக்கிறோம், வார இறுதி நாட்கள் அச்சுறுத்தும் வகையில் இருக்கலாம் என்றார்.
ஆஸ்திரியாவில் 24 கிராமங்கள் பேரழிவுப் பகுதியாக அதிகாரிகளால் அறிவிக்கப்பட்டுள்ளது. சனிக்கிழமை மதியத்திற்கு மேல் இருந்தே மக்களை வெளியேற்றும் நடவடிக்கைகள் முழுவீச்சில் முன்னெடுக்கப்பட்டு வருவதாக தகவல் வெளியாகியுள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
தர்மகேணி, கிளிநொச்சி முரசுமோட்டை 3ம் யூனிற், Jaffna, கம்பஹா வத்தளை, நல்லூர்
21 Nov, 2022
யாழ் நவாலி தெற்கு, Jaffna, பரிஸ், France, மெல்போன், Australia
21 Nov, 2024
தொண்டைமானாறு, காங்கேசன்துறை, London, United Kingdom
23 Nov, 2024
தெல்லிப்பழை, கொல்லன்கலட்டி, Stryn, Norway, Tromso, Norway
10 Dec, 2020
அனலைதீவு 2ம் வட்டாரம், யாழ்ப்பாணம், Kamen, Germany, Stouffville, Canada
24 Nov, 2024
கல்வியங்காடு, Wembley, United Kingdom, King's Lynn, United Kingdom
22 Nov, 2024
வேலணை மேற்கு 8ம் வட்டாரம், Jaffna, London, United Kingdom
23 Nov, 2024
