சூரிய கிரகணம்... கண்கள் பாதிக்கப்பட்டிருக்கலாம் என்பதற்கான முக்கிய அறிகுறிகள்

You may have damaged your eyes: சூரிய கிரகணத்தை அடுத்து, உங்கள் கண்கள் பாதிக்கப்பட்டிருக்கலாம் என்பதற்கான முக்கிய அறிகுறிகள்.

சூரிய கிரகணத்தின்போது சூரியனைப் பார்ப்பதால் ஏற்படும் கண் பாதிப்புக்கான அறிகுறிகள் ஏதேனும் தென்பட்டால், அது குறித்து விழிப்புடன் இருக்குமாறு கண் மருத்துவ நிபுணர்கள் மக்களை எச்சரித்துள்ளனர்.

70 பேரின் பார்வைத்திறன்

உங்கள் கண்கள் பாதிக்கப்பட்டிருந்தால், மங்கலான பார்வை, பார்வையின் மையப்பகுதியில் தெரியும் மறைவு அல்லது கருப்புப் புள்ளி மற்றும் ஒளிக்கு அதிக உணர்திறன் ஆகியவை இதன் அறிகுறிகளாக இருக்கலாம்.

1999-இல் பிரித்தானியாவில் காணப்பட்ட முந்தைய முழு சூரிய கிரகணத்திற்குப் பிறகு, சுமார் 70 பேரின் பார்வைத்திறன் பாதிக்கப்பட்டது. அவர்களில் பலர், தங்கள் கண்களுக்குப் பாதிப்பு ஏற்படுகிறது என்பதை உணராமலே, அந்த அற்புதக் காட்சியை ஒரு நிமிடத்திற்கும் குறைவான நேரமே பார்த்திருந்தனர்.

பாதுகாப்பு இன்றி சூரிய கிரகணத்தை உற்றுநோக்குவது ஆபத்தானது; ஏனெனில், இது கண்ணின் பின்புறத்தில் அமைந்துள்ள விழித்திரையையும் (retina), குறிப்பாகத் தெளிவான மையப் பார்மைக்குக் காரணமான செல்களையும் சேதப்படுத்தக்கூடும்.

சந்திரனால் பகுதியளவு மறைக்கப்பட்டிருந்தாலும், சூரியன் நம்பமுடியாத அளவிற்குப் பிரகாசமாக இருக்கிறது. பொதுவாக, நாம் சூரியனை உற்று நோக்கினால், கண்களைச் சுருக்கிக்கொண்டு சட்டென்று பார்வையை விலக்கிக்கொள்வோம்.

போலந்தில் கைதான ரஷ்யர்... பிரதமர் டஸ்க் வெளியிட்ட பகீர் பின்னணி

ஆனால் கிரகணத்தின்போது சூழல் இருட்டாக இருக்கும்போது, ​​நம் கண்கள் சேதமடையும் நிலையிலும் அந்த இயல்புணர்வு செயல்படாமல் போகலாம்.

சூரியனிலிருந்து வெளிப்படும் பிரகாசமான ஒளி மற்றும் புற ஊதாக் கதிர்கள், "சோலார் ரெட்டினோபதி" (solar retinopathy) எனப்படும் பாதிப்புக்கு வழிவகுக்கக்கூடும்.

மற்ற அறிகுறிகள்

மேலும், விழித்திரையில் வலி உணர்விகள் இல்லாததால், பாதிப்பு ஏற்படும்போது அதை மக்களால் கண்டறிவது கடினமாகிறது; எனவே, அதன் அறிகுறிகள் பல மணிநேரங்களுக்குப் பிறகே தெரியவரும்.

கிரகணத்துக்கு முன்னதாகவே, பிரத்யேகமாக வடிவமைக்கப்பட்ட உண்மையான சூரிய கிரகணக் கண்ணாடிகளை மட்டுமே பயன்படுத்த வேண்டும் என்றும், சாதாரண கண்ணாடிகளோ அல்லது பிற சாதனங்களோ ஏற்படக்கூடிய சேதங்களைத் தடுக்கப் போதுமானவை அல்ல என்றும் வல்லுநர்கள் எச்சரித்து வந்தனர்.

கவனத்தில் கொள்ள வேண்டிய மற்ற அறிகுறிகள்: கண் வலி, கண் சிவத்தல், கண்களில் எரிச்சல் அல்லது கூச்ச உணர்வு, பார்வையில் திடீர் மாற்றங்கள், ஒளிக்கு அதிக உணர்திறன் உள்ளிட்டவையாகும்.

உங்கள் கண்களுக்குப் பாதிப்பு ஏற்பட்டுள்ளதாக நீங்கள் கருதினால், உடனடியாக மருத்துவ உதவியை நாட வேண்டும்.

புதன்கிழமையன்று பிரித்தானியாவில் நிகழ்ந்தது போன்ற ஒரு பகுதி சூரிய கிரகணத்தின்போது சூரியன் தொடர்ந்து நல்ல பிரகாசத்துடன் இருந்ததால், அதை நேரடியாக உற்றுநோக்க முயன்றவர்களின் எண்ணிக்கை மிகக் குறைவாகவே இருந்திருக்கலாம் என்று நம்பப்படுகிறது.