ஹவாய் தீவுகளை பல புயல்களின் இலக்காக மாற்றி வரும் அதி தீவிர எல் நினோ

A supercharged El Niño is putting Hawaii in the bullseye of more storms: தீவிரமடைந்த எல் நினோ, ஹவாயை மேலும் பல புயல்களின் இலக்காக மாற்றி வருகிறது.

நோலோ சூறாவளியுடன், ஹவாய் தீவுகள் சமீபத்திய மாதங்களில் மூன்றாவது பெரிய வெப்பமண்டல புயலுடன் போராடி வருகிறது.

மழை மற்றும் பலத்த அலை

ஆகஸ்ட் மாதத்தில் ஏற்பட்ட லாலா சூறாவளியும், செப்டம்பர் மாத தொடக்கத்தில் ஏற்பட்ட லோவெல் சூறாவளியும், தீவுகள் முழுவதும் வீடுகளையும் சாலைகளையும் வெள்ளத்தில் மூழ்கடித்து, மரங்களைச் சாய்த்து, மின்சாரக் கம்பிகளைச் சாய்த்தன.

வியாழக்கிழமை இரவு சூறாவளியாக வலுப்பெற்ற நோலோ, தீவுகளை மழை மற்றும் பலத்த அலைகளால் தாக்கும் என எதிர்பார்க்கப்படுகிறது.

மத்திய வடக்குப் பசிபிக் பெருங்கடலில் சுமார் 1,500 மைல் பரப்பளவில் அமைந்திருந்தாலும், ஹவாய் தீவுகள் பொதுவாக சூறாவளிகளால் ஏற்படும் மிக மோசமான பாதிப்புகளிலிருந்து தப்பி வந்துள்ளது.

உண்மையில், இந்தக் தீவுக்கூட்டம் கடுமையான புயல்களின் நேரடித் தாக்குதல்களிலிருந்து அடிக்கடி தப்பிவிடுவதால், அவற்றைச் சுற்றி ஒரு பாதுகாப்பு அரண் (force field) இருப்பதாகவே வேடிக்கையாகக் கூறப்படுகிறது.

ஐக்கிய அரபு அமீரகத்தை அடுத்து அமெரிக்க அச்சுறுத்தலுக்குப் பணிந்த ஈராக்

ஆனால், இந்த ஆண்டு அந்தத் தீவுகள் வழக்கத்திற்கு மாறாக அதிக எண்ணிக்கையிலான கடுமையான புயல்களைச் சந்தித்துள்ளன. ஏற்கெனவே, 500-க்கும் மேற்பட்ட வீடுகள் சேதமடைந்துள்ளன அல்லது அழிக்கப்பட்டுள்ள நிலையில், பேய் மழையை நோலோ புயல் கட்டவிழ்த்துவிடும் என்று அஞ்சப்படுகிறது.

1992-ல் ஏற்பட்ட இனிகி புயலுக்குப் பிறகு, ஹவாயில் எந்தவொரு நேரடிப் புயலும் கரையைக் கடக்கவில்லை. கவாய் தீவைச் சூறையாடிய அந்தக் கடுமையான புயல், மணிக்கு 145 மைல் வேகத்தில் வீசிய காற்றினால், அத்தீவின் வீடுகள் மற்றும் வணிக நிறுவனங்களில் ஏறக்குறைய 70 சதவீதம் அழிக்கப்பட்டன அல்லது சேதமடைந்தன.

பூமியில் மிகவும் தனிமைப்படுத்தப்பட்ட தீவுத் தொடர்களில் ஒன்றான ஹவாய், பரந்த திறந்த பெருங்கடலில் ஒரு சிறிய இலக்கு மட்டுமே. எல் நினோ காரணமாக இந்த ஆண்டு வெப்பமண்டல பசிபிக் பகுதியில் கடல் மேற்பரப்பு வெப்பநிலை வழக்கத்திற்கு மாறாக வெப்பமாக உள்ளது.

இந்தக் காலநிலை நிகழ்வானது, பொதுவாக அட்லாண்டிக் பெருங்கடலில் சூறாவளிச் செயல்பாட்டைக் கட்டுப்படுத்தி, பசிபிக் பெருங்கடலில் புயல்களின் வளர்ச்சியையும் வலிமையையும் அதிகரிக்கிறது.

வரலாறு காணாத தீவிரம்

எல் நினோ ஏற்கனவே உருவாகிவிட்டது, ஆனால் வரும் மாதங்களில் அது மேலும் வலுப்பெறும் என்று எதிர்பார்க்கப்படுகிறது. மேலும், அது வரலாறு காணாத தீவிரத்தை எட்டுவதற்கு அதிக வாய்ப்புள்ளது என வானிலை ஆய்வாளர்கள் எச்சரித்துள்ளனர்.

இந்த ஆண்டு எல் நினோ காரணமாக, சூறாவளிகள் மேலும் தெற்கிலும் மேற்கிலும் உருவாகியுள்ளன. மட்டுமின்றி இது, புயல் காலம் தாமதமாவதற்கும் காரணமாகிறது.

சூறாவளி அபாயங்கள் பொதுவாக ஜூலை முதல் நவம்பர் இறுதி வரை நீடித்து, பின்னர் வரும் மாதங்களில் குறைந்துவிடுகின்றன. எல் நினோ ஆண்டுகளில் செப்டம்பர் மற்றும் அக்டோபர் மாதங்கள் மிகவும் பரபரப்பாக இருக்கும்.