இதுதான் கடைசி..! இல்லைனா.., ட்விட்டரை மொத்தமாக விலைக்கு கேட்ட எலான் மஸ்க்!

உலகின் மிகப்பெரிய பணக்காரரான எலோன் மஸ்க் ட்விட்டரை 31.5 பில்லியன் பவுண்டுகளுக்கு (41 பில்லியன் டொலர்) வாங்க முன்வந்துள்ளார்.

ஸ்பேஸ்எக்ஸ் மற்றும் டெஸ்லா நிறுவனர் எலோன் மஸ்க் தீவிர ட்விட்டர் பயனர் ஆவார் மற்றும் அவர் 81 மில்லியனுக்கும் அதிகமான பின்தொடர்பவர்களைக் கொண்டுள்ளார்.

உலகின் மிகப் பிரபலமான சமூக ஊடக தளமான ட்விட்டரை வாங்குவதற்கான முன்மொழிவைக் கொண்ட கடிதத்தை எலான் மஸ்க் புதன்கிழமை ட்விட்டர் இன்க் நிறுவனத்திற்கு வழங்கினார்.

ட்விட்டர் நிறுவன வாரியத்தின் தலைவரான பிரட் டெய்லருக்கு மஸ்க் அனுப்பிய அந்தக் கடிதத்தில், "உலகம் முழுவதும் சுதந்திரமான பேச்சுக்கான தளமாக இருக்கும் என்று நான் நம்புவதால், ட்விட்டரில் முதலீடு செய்தேன், மேலும் செயல்படும் ஜனநாயகத்திற்கு பேச்சு சுதந்திரம் ஒரு சமூக கட்டாயம் என்று நான் நம்புகிறேன்.

இருப்பினும், எனது முதலீட்டைச் செய்ததில் இருந்து, நிறுவனம் செழிக்கவோ அல்லது அதன் தற்போதைய வடிவத்தில் இந்த சமூகத்தின் கட்டாயத்திற்கு சேவை செய்யவோ முடியாது என்பதை நான் இப்போது உணர்கிறேன். ட்விட்டரை தனியார் நிறுவனமாக மாற்ற வேண்டும்.

இதன் விளைவாக, ட்விட்டரை ஒரு பங்கிற்கு 54.20 அமெரிக்க டொலர் ரொக்கமாக கொடுத்து நிருவத்தின் 100 சதவீதத்தையும் (41 பில்லியன் டொலருக்கு) வாங்கவும், ட்விட்டரில் முதலீடு செய்யத் தொடங்குவதற்கு முந்தைய நாளில் 54% பிரீமியமாகவும், எனது முதலீடு பகிரங்கமாக அறிவிக்கப்படுவதற்கு முந்தைய நாளில் 38 சதவீத பிரீமியமாகவும் வாங்குகிறேன்.

எனது இந்த சலுகை எனது சிறந்த மற்றும் இறுதி சலுகையாகும், அது ஏற்றுக்கொள்ளப்படாவிட்டால், பங்குதாரராக எனது நிலையை மறுபரிசீலனை செய்ய வேண்டும்" என்று கூறினார்.

கடைசியாக, "ட்விட்டருக்கு அசாதாரண ஆற்றல் உள்ளது. நான் அதைத் திறக்க விரும்புகிறேன்' என்று எழுதியுள்ளார்.

JUST IN - Elon Musk has made an offer to buy Twitter and says the platform needs to be transformed into a private business to thrive again. pic.twitter.com/pXvFnzXSm5

— Disclose.tv (@disclosetv) April 14, 2022

எலான் மஸ்க் ஏற்கெனவே ட்விட்டரின் 9.2 சதவீத பங்கை வாங்கியுள்ளார். அதன்படி அவர் அந்நிறுவனத்தின் போர்ட் மெம்பராக மட்டுமே இருக்க முடியும். ஒரு போர்டு மெம்பர் அதிகபட்சமாகா 14.9 சதவீத பங்குகளை மட்டுமே வாங்க முடியும். அதுமட்டுமின்றி வெறும் போர்டு மெம்பராக நிருவத்தின் செயற்பட்டில் அல்லது முடிவுகளில் பெரிய ஆளுமையை வெளிப்படுத்த முடியாது. இந்த நிலையில், மொத்த நிறுவனத்தையும் விலை கொடுத்து வாங்க முன்வந்துள்ளார்.

முன்னதாக ஒருமுறை, எலான் மஸ்க் ஒரு ட்வீட் ஒன்றை போஸ்ட் செய்திருந்தார். அதில் சிறிய பிழை ஏற்பட்டது. அந்த ஒரே ஒரு ட்வீட்டால் டெஸ்லா நிறுவனத்திற்கு மிகப்பெரிய இழப்பு ஏற்பட்டது.

இதுபோன்ற பிழைகளை சரிசெய்ய அல்லது திருத்திக்கொள்ள ஒரு Edit ஆப்ஷனை எலான் மஸ்க் ட்விட்டர் நிறுவனத்திடம் கேட்டார். ஆனால், அது தொடர்பில் ட்விட்டர் நிறுவனம் இன்னும் சரியான முடிவை (Edit Option) கொண்டுவரவில்லை.

தற்போது, எலான் மஸ்கின் இந்த முடிவுக்கு இந்த சம்பவம் ஒரு முக்கிய காரணம் என்று சொல்லலாம்.