இலங்கையை வீழ்த்தி இங்கிலாந்து அபார வெற்றி; சச்சினின் சாதனையை முறியடித்த ஜோ ரூட்

joe root surpass sachin record england beat sri lanka by 89 runs: இலங்கைக்கு எதிரான முதல் ODI போட்டியில் இங்கிலாந்து அணி 89 ஓட்டங்கள் வித்தியாசத்தில் வெற்றி பெற்றுள்ளது.

இலங்கையை வீழ்த்திய இங்கிலாந்து

இங்கிலாந்து சென்றுள்ள இலங்கை அணி, 3 போட்டிகள் கொண்ட ஒருநாள் தொடரில் பங்கேற்று விளையாடி வருகிறது. 

ரிவர்சைடு மைதானத்தில் நடைபெற்ற முதல் போட்டியில், நாணய சுழற்சியில் வென்ற இங்கிலாந்து அணி முதலில் துடுப்பாட்டம் ஆடியது.

இங்கிலாந்து அணி, 48.1 ஓவர்களில் 265 ஓட்டங்கள் குவித்து அனைத்து விக்கெட்களையும் இழந்து ஆல் அவுட் ஆனது. 

மீண்டும் சூதாட்ட சர்ச்சையில் CSK; ஒரு போட்டிக்கு ரூ.60 லட்சம்

அதிகபட்சமாக, இங்கிலாந்து தரப்பில் ஹாரி ப்ரூக் 67 ஓட்டங்களும், ஜோ ரூட் 44 ஓட்டங்களும் குவித்தனர். 

இலங்கை தரப்பில், சச்சிந்து கொலம்பகே மற்றும் அசித்த பெர்னாண்டோ தலா 3 விக்கெட்களை கைப்பற்றினார். 

266 ஓட்டங்கள் என்ற வெற்றி இலக்குடன் களமிறங்கிய இலங்கை அணி, 37 ஓவர்களில் அனைத்து விக்கெட்களையும் இழந்து 138 ஓட்டங்கள் குவித்து ஆல் அவுட் ஆனது.

இலங்கை தரப்பில், அதிகபட்சமாக துனித் வெல்லாளகே 45 ஓட்டங்களும், குஷால் மெண்டிஸ் 42 ஓட்டங்களும் குவித்தனர்.

இங்கிலாந்து தரப்பில், வில் ஜேக்ஸ் 5 விக்கெட்களை கைப்பற்றி அசத்தினார். 

இதன் மூலம், இங்கிலாந்து அணி 89 ஓட்டங்கள் வித்தியாசத்தில் வெற்றி பெற்றது.

ஜோ ரூட் சாதனை

67 ஓட்டங்கள் குவித்த ஜோ ரூட், 23,000 சர்வதேச ஒட்டங்களை எட்டிய எட்டாவது துடுப்பாட்ட வீரர் மற்றும் முதல் இங்கிலாந்து வீரர் என்ற பெருமையை பெற்றுள்ளார். 

சச்சின் 522 போட்டிகளில் 23,000 ஓட்டங்களை கடந்த நிலையில், ஜோ ரூட் 521 போட்டிகளில் 23,000 ஓட்டங்களை கடந்து இரண்டாவது அதிவேக வீரர் என்ற சாதனையை படைத்துள்ளார்.

விராட் கோலி, 490 போட்டிகளில் 23,000 ஓட்டங்களை கடந்து முதலிடத்தில் உள்ளார். 

ஜப்பானுக்கு எதிராக த்ரில் வெற்றி - T20 வரலாற்றில் சாதனை படைத்த இந்தியா

ஜோ ரூட், சமீபத்தில் சச்சினின் அதிக டெஸ்ட் அரை சதங்கள் என்ற சாதனையை முறியடித்தார்.

இதே போல், சச்சின் டெஸ்ட் போட்டியில் 15,921 ஓட்டங்கள் எடுத்துள்ள நிலையில், 14,278 ஓட்டங்களுடன் உள்ள ஜோ ரூட் இந்த சாதனையை முறியடிக்க 1,643 ஓட்டங்கள் தேவைப்படுகிறது.