ஜப்பானுக்கு எதிராக த்ரில் வெற்றி - T20 வரலாற்றில் சாதனை படைத்த இந்தியா

india beat japan by 2 runs as 200th t20i won: ஜப்பானுக்கு எதிரான T20 போட்டியில் 2 ஓட்டங்கள் வித்தியாசத்தில் வென்றதன் மூலம், சர்வதேச T20 போட்டிகளில் 200 வெற்றிகளைப் பதிவுசெய்த உலகின் முதல் அணி என்ற பெருமையை இந்தியா பெற்றுள்ளது.

ஜப்பானுக்கு எதிராக த்ரில் வெற்றி பெற்ற இந்தியா

இந்தியா மற்றும் ஜப்பான் இடையேயான தூதரக உறவின் 75வது ஆண்டு நிறைவை கொண்டாடும் வகையில், இரு நாடுகளுக்குமிடையே முதல்முறையாக சர்வதேச T20 போட்டி இன்று நடத்தப்பட்டது. 

ஜப்பானின் சானோ சர்வதேச கிரிக்கெட் மைதானத்தில் நடைபெற்ற இந்த போட்டியில் மழை காரணமாக போட்டி 5 ஓவர்களாக குறைக்கப்பட்டது.

நாணய சுழற்சியில் வென்ற இந்திய அணி, முதலில் துடுப்பாட்டதை தேர்வு செய்தது. 

இலங்கையை 147 ஓட்டங்கள் வித்தியாசத்தில் வீழ்த்தி..மகுடம் சூடிய இந்திய மகளிர் அணி

தொடக்க ஆட்டக்காரர் அபிஷேக் சர்மா முதல் பந்திலே ஆட்டமிழந்து அதிர்ச்சியளித்தார். அதன் பின்னர் சஞ்சு சாம்சன் 9 ஓட்டங்களிலும், இஷான் கிஷன் 3 ஓட்டங்களிலும் ஆட்டமிழந்தனர். 

அதிகபட்சமாக அணித்தலைவர் ஷ்ரேயஸ் ஐயர் 13 பந்துகளில் 16 ஓட்டங்கள் குவித்தார்.

இந்திய அணி, 5 ஓவர்கள் முடிவில் 4 விக்கெட் இழப்பிற்கு 32 ஓட்டங்கள் குவித்தது.

33 ஓட்டங்கள் என்ற வெற்றி இலக்குடன் களமிறங்கிய ஜப்பான் அணி, 5 ஓவர்கள் முடிவில் 3 விக்கெட் இழப்பிற்கு 30 ஓட்டங்கள் குவித்தது. 

ஜப்பான் தரப்பில் அதிகபட்சமாக அணித்தலைவர் கெண்டல் கடோவாகி-ஃபிளெமிங் 12 ஓட்டங்கள் குவித்தார்.

இந்தியா தரப்பில், வாஷிங்டன் சுந்தர் 2 விக்கெட்களை கைப்பற்றினார். 

இதன் மூலம், இந்திய அணி 2 ஓட்டங்கள் வித்தியாசத்தில் வெற்றி பெற்றது. 

அரசியலில் இணைய உள்ள கிரிக்கெட் வீரர் முகமது ஷமி? மத்திய அமைச்சருடன் சந்திப்பு

சர்வதேச T20 போட்டிகளில் 200 வெற்றி ஐசிசி தரவரிசையில் 41வது இடத்தில் உள்ள ஜப்பானை நடப்பு T20 சாம்பியனான இந்தியா பாரிய வெற்றி பெரும் என ரசிகர்கள் எதிர்பார்த்த நிலையில், ஜப்பான் கடுமையாக போராடி இந்தியாவிற்கு த்ரில் வெற்றியை கொடுத்துள்ளது.

மேலும், இதன் மூலம் சர்வதேச T20 போட்டிகளில் 200 வெற்றிகளைப் பதிவுசெய்த உலகின் முதல் அணி என்ற பெருமையை இந்தியா பெற்றுள்ளது.