லங்காசிறி FM
3 ஓட்டங்களில் தவறிய சதம்: இங்கிலாந்து மண்ணில்..பாகிஸ்தான் 194 ஓட்டங்கள் வித்தியாசத்தில் படுதோல்வி
England won by 194 runs against pakistan in lord's: பாகிஸ்தான் அணிக்கு எதிரான இரண்டாவது டெஸ்டில் இங்கிலாந்து 194 ஓட்டங்கள் வித்தியாசத்தில் இமாலய வெற்றி பெற்றது.
லண்டன் லார்ட்'ஸ் மைதானத்தில் நடந்த டெஸ்டில், இங்கிலாந்து அணி 194 ஓட்டங்கள் வித்தியாசத்தில் பாகிஸ்தானை வீழ்த்தியது.
389 ஓட்டங்கள் இலக்கு
இங்கிலாந்து மற்றும் பாகிஸ்தான் அணிகளுக்கு இடையிலான இரண்டாவது டெஸ்ட் போட்டி லண்டன் லார்ட்'ஸ் மைதானத்தில் நடந்தது.
இங்கிலாந்து அணி நிர்ணயித்த 389 ஓட்டங்கள் இலக்கினை நோக்கி களமிறங்கிய பாகிஸ்தான், தொடக்கத்தில் அடுத்தடுத்து விக்கெட்டுகளை பறிகொடுத்தது.
அணித்தலைவர் பாபர் அஸாம் 6 ஓட்டங்களிலும், மொஹம்மது ரிஸ்வான் 1 ரன்னிலும் ஆட்டமிழக்க சவுத் ஷகீல் அபாரமாக ஆடி அரைசதம் கடந்தார்.
சதத்தை நோக்கி பயணித்த சவுத் ஷகீல் (Saud Shakeel), அணியின் ஸ்கோர் 169 ஆக இருந்தபோது ஆட்டமிழந்தார். அவர் 122 பந்துகளில் 2 சிக்ஸர், 13 பவுண்டரிகளுடன் 97 ஓட்டங்கள் எடுத்தார்.
ஷாஸாத்தை 9 ஓட்டங்களிலும், மொஹம்மது அலியை 8 ஓட்டங்களிலும் ஜோஷ் டங் வெளியேற்ற பாகிஸ்தான் 194 ஓட்டங்களுக்கு ஆல்அவுட் ஆனது.
இதன்மூலம் இங்கிலாந்து அணி 194 ஓட்டங்கள் வித்தியாசத்தில் வெற்றி பெற்றது. ஓலி ராபின்ஸன் 4 விக்கெட்டுகளும், ஜோஷ் டங் 3 விக்கெட்டுகளும், ஜோப்ரா ஆர்ச்சர் 2 விக்கெட்டுகளும் வீழ்த்தினர்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
