லங்காசிறி FM
Temu நிறுவனத்திற்கு 200 மில்லியன் யூரோ அபராதம்: EU அதிரடி நடவடிக்கை
சீனாவின் Temu நிறுவனத்துக்கு ஐரோப்பிய ஒன்றியம் 200 மில்லியன் யூரோக்களை அபராதமாக விதித்துள்ளது.
Temu நிறுவனத்திற்கு EU அபராதம்
சீனாவுக்கு சொந்தமான ஆன்லைன் விற்பனை தளமான Temu நிறுவனம், ஐரோப்பிய ஒன்றியத்தின் டிஜிட்டல் சேவை சட்டத்தை முறையாக பின்பற்றவில்லை என்ற குற்றச்சாட்டை தொடர்ந்து அந்த நிறுவனத்திற்கு 200 மில்லியன் யூரோ அபராதமாக விதிக்கப்பட்டுள்ளது.
ஐரோப்பிய ஒன்றியத்தின் டிஜிட்டல் சட்டத்தின் கீழ் விதிக்கப்படும் 2வது மிகப்பெரிய அபராதம் இதுவாகும், முன்னதாக எலான் மஸ்க்கின் X நிறுவனத்திற்கு கடந்த டிசம்பர் மாதம் சுமார் 120 மில்லியன் யூரோ அபராதம் விதிக்கப்பட்டது குறிப்பிடத்தக்கது.
Temu நிறுவனம் தங்கள் தளத்தின் மூலம் விற்பனை செய்யப்படும் பொருட்களினால் ஏற்படக்கூடிய பாதிப்புகளை மற்றும் சட்டவிரோத நடவடிக்கையை சரியாக மதிப்பீடு செய்ய தவறிய குற்றத்திற்காக ஐரோப்பிய ஆணையம் குற்றம் சாட்டியுள்ளது.
ஐரோப்பிய ஒன்றியத்தில் Temu நிறுவனம் அறிமுகமன 2023 ல் இருந்து கிட்டத்தட்ட 130 மில்லியன் பயனர்கள் இதனை பயன்படுத்தி வந்தது குறிப்பிடத்தக்கது.
Temu நிறுவனத்தின் பதில்
Temu நிறுவனத்தின் மீது விதிக்கப்பட்டுள்ள இந்த அபராதம் மிகப்பெரியது என்றும், இந்த முடிவை மறு ஆய்வு செய்ய சட்ட ரீதியான நடவடிக்கையை திட்டமிட்டு வருவதாகவும் Temu நிறுவனம் தரப்பு விளக்கியுள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
புங்குடுதீவு, யாழ்ப்பாணம், கொழும்பு, சென்னை, India, Muscat, Oman
03 Aug, 2026
