லங்காசிறி FM
இஸ்ரேலை கைவிடும் ஐரோப்பாவின் மிகப் பெரிய நிதி நிறுவனங்கள்... வெளிவரும் காரணம்
ஐரோப்பாவின் மிகப் பெரிய நிதி நிறுவனங்கள் பல இஸ்ரேலிய நிறுவனங்களுடனோ அல்லது அந்நாட்டுடன் தொடர்பு கொண்ட நிறுவனங்களுடனோ தங்கள் தொடர்பைத் துண்டிக்கும் நிலையை எட்டியுள்ளதாக தகவல் வெளியாகியுள்ளது.
அழுத்தம் அதிகரிக்கின்ற நிலையில்
காஸாவில் போரை முடிவுக்கு கொண்டு வர சமூக ஆர்வலர்கள் மற்றும் பல நாடுகளின் அரசாங்கங்கள் அளிக்கும் அழுத்தம் அதிகரிக்கின்ற நிலையில் பல நிறுவனங்கள் இந்த முடிவுக்கு வந்துள்ளதாக கூறப்படுகிறது.
பொதுவாக வங்கிகள் மற்றும் காப்பீட்டு நிறுவனங்கள் தங்கள் நிலை மற்றும் நிர்வாக நோக்கங்களைப் பற்றி அடிக்கடி வெளிப்படுத்தும்போது, அவர்கள் போருக்குத் தங்கள் சாத்தியமான ஆதரவு நிலையை வெளிப்படுத்துவது குறைவாகவே உள்ளது.
கடந்த ஆண்டு அக்டோபர் மாதம் UniCredit நிறுவனம் தடைசெய்யப்பட்ட பட்டியலில் இஸ்ரேலை அடையாளப்படுத்தியது.
தற்போது காஸா போர் தொடர்பில் இஸ்ரேலுக்கு ஆயுதம் ஏற்றுமதி செய்யும் எந்த நாட்டுக்கும் ஆயுத உற்பத்தி தொடர்பில் நிதியுதவி அளிப்பதில்லை என இத்தாலி வங்கிகள் தங்கள் கொள்கை முடிவை சுட்டிக்காட்டியுள்ளன.
முதலீட்டாளர் வரிசை குறைந்துள்ளது
இதனிடையே, நார்வே நாட்டின் Storebrand நிறுவனமும் பிரான்ஸ் காப்பீட்டு நிறுவனம் AXA ஆகியவை வங்கிகள் உட்பட சில இஸ்ரேலிய நிறுவனங்களின் பங்குகளை விற்றுள்ளன.
ஆயுதங்களின் உற்பத்தி மற்றும் வர்த்தகத்தில் முதலீடு செய்வது நிலையான வளர்ச்சியின் கொள்கைகளுக்கு அடிப்படையில் எதிரானது என குளோபல் அலையன்ஸ் ஃபார் பேங்கிங் ஆன் வேல்யூஸின் நிர்வாக இயக்குனர் Martin Rohner தெரிவித்துள்ளார்.
இதனிடையே, ஹமாஸ் படைகளின் தாக்குதல்களுக்கு பதிலடியாக இஸ்ரேல் ராணுவம் கடந்த ஆண்டு காஸாவிற்குள் நுழைந்ததில் இருந்து இஸ்ரேலின் முதலீட்டாளர் வரிசை குறைந்துள்ளது என்றே ஆய்வில் தெரியவந்துள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
வேலணை மேற்கு 8ம் வட்டாரம், Jaffna, London, United Kingdom
23 Nov, 2024
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
