ஐ.நா. பாதுகாப்பு கவுன்சிலில் நிரந்தர உறுப்பினராக இந்தியா - 4 ஐரோப்பிய நாடுகள் ஆதரவு

Europe’s V4 nations back India’s UNSC seat bid: ஐ.நா. பாதுகாப்பு கவுன்சிலில் இந்தியா நிரந்தர உறுப்பினராக 4 ஐரோப்பிய நாடுகள் வலுவான ஆதரவு தெரிவித்துள்ளன.

V4 நாடுகளுடன் சந்திப்பு

ஐக்கிய நாடுகள் பொதுச் சபையின் 81-வது கூட்டத் தொடரின் போது, இந்திய வெளியுறவு அமைச்சர் எஸ். ஜெய்சங்கர், ஐரோப்பாவின் விசெக்ராட் குழுவின் (V4) நான்கு நாடுகளின் வெளிநாட்டு அமைச்சர்களுடன் சந்திப்பு நடத்தினார்.

ஆதரவு

இந்த சந்திப்பில், இந்தியாவிற்கு ஐ.நா. பாதுகாப்பு கவுன்சிலில் நிரந்தர இடம் வழங்க வேண்டும் என்ற இந்தியாவின் நீண்டகால கோரிக்கைக்கு, போலந்து, ஹங்கேரி, ஸ்லோவாகியா, செக் குடியரசு ஆகிய நாடுகள் வலுவான ஆதரவு தெரிவித்தன.

ஜெய்சங்கர், “இந்த சந்திப்பு வரலாற்று முக்கியத்துவம் வாய்ந்தது. இந்தியா-ஐரோப்பிய ஒன்றிய உறவுகள் வலுப்பெறும் நிலையில், V4 நாடுகளுடன் அரசியல், பொருளாதாரம், தொழில்நுட்பம், பாதுகாப்பு மற்றும் மக்கள்-மக்கள் தொடர்புகளை மேலும் வலுப்படுத்த முடிவு செய்யப்பட்டது” என்று கூறினார்.

34 பில்லியன் சொத்து இருந்தும் மகளின் ஸ்டார்ட்அப்புக்கு நிதியளிக்க மறுத்த மெலிண்டா கேட்ஸ்

இந்தியாவிற்கும் V4 நாடுகளுக்கும் இடையே ஆண்டு தோறும் வெளிநாட்டு அமைச்சர்கள் சந்திப்பு, Annual Business Forum நடத்துவது, தொழில்நுட்பம், விண்வெளி, புதுமை, கல்வி, பாதுகாப்பு துறைகளில் இணைந்து செயல்படுவது என பல முக்கிய முடிவுகள் எடுக்கப்பட்டன.

ஸ்லோவாகியாவின் வெளியுறவு அமைச்சர் ஜுராஜ் பிளானார், “இந்தியா ஒரு வளர்ந்து வரும் சூப்பர் பவர். உலகின் தெற்கு பிரதிநிதியாகவும், இந்தோ-பசிபிக் பிராந்தியத்தின் முக்கிய சக்தியாகவும், இந்தியா பாதுகாப்பு கவுன்சிலில் நிரந்தர உறுப்பினராக இருக்க வேண்டும்” என்று தெரிவித்துள்ளார்.

8 பில்லியன் டொலர் வரி செலுத்த பெருமைபடுகிறேன் - Nvidia CEO கருத்து

1945-ஆம் ஆண்டு இரண்டாம் உலகப்போருக்குப் பிறகு உருவாக்கப்பட்ட ஐ.நா. பாதுகாப்பு கவுன்சிலில், தற்போது சீனா, பிரான்ஸ், ரஷ்யா, பிரித்தானியா, அமெரிக்கா ஆகிய ஐந்து நாடுகளே நிரந்தர உறுப்பினர்களாக உள்ளனர்.

இந்தியா, ஆசியா, ஆப்பிரிக்கா, லத்தீன் அமெரிக்கா போன்ற பிராந்தியங்களின் பிரதிநிதித்துவத்தை அதிகரிக்க வேண்டும் என்று தொடர்ந்து வலியுறுத்தி வருகிறது.

இந்த ஆதரவு, இந்தியாவின் உலகளாவிய நிலையை வலுப்படுத்தும் முக்கிய முயற்சியாக கருதப்படுகிறது.

நகை ஏற்றுமதிக்கு சமமாக தங்கம் இறக்குமதி சரிவு - இந்திய வர்த்தக சமநிலையில் தாக்கம்