லங்காசிறி FM
மகளின் கனவை நிறைவேற்ற நாணயங்களை சேர்த்து ஸ்கூட்டர் வாங்கி கொடுத்த தந்தை
தந்தை ஒருவர் தனது மகளின் விருப்பத்தை நிறைவேற்ற நாணயங்களை சேர்த்து ஸ்கூட்டர் வாங்கி கொடுத்த சம்பவம் நெகிழ்வை ஏற்படுத்தியுள்ளது.
தந்தையின் செயல்
இந்திய மாநிலமான சத்தீஸ்கரின் ஜாஷ்பூர் மாவட்டத்தில் உள்ள ஒரு இரு சக்கர வாகன ஷோரூமில் நெகிழ வைக்கும் சம்பவம் ஒன்று அரங்கேறியுள்ளது.
அம்மாவட்டத்தைச் சேர்ந்த பஜ்ரங் ராமின் மகள் சம்பா பகத் என்பவர் ஒரு லட்சம் ரூபாய் மதிப்புள்ள ஸ்கூட்டரை விரும்பினார்.
ஏழை விவசாயியான பஜ்ரங் ராம் தனது மகளின் விருப்பத்தை நிறைவேற்ற ஒவ்வொரு நாளும் ஒரு தகரப் பெட்டியில் சில நாணயங்களைப் போடுவார்.
ஆறு மாதங்களுக்கும் மேலாக, தன்னால் முடிந்த அனைத்தையும் சேமித்து, நாணயங்களை ஒரு சாக்குப்பையில் போட்டு, ஹோண்டா ஷோரூமுக்கு எடுத்துச் சென்றார்.
அதனை பார்த்த ஊழியர்கள் ஆச்சரியப்பட்டார்கள், ஆனால் நாணயங்கள் நிறைந்த பைக்குப் பின்னால் இருந்த கதையைக் கேட்டபோது ஆச்சரியம் பிரமிப்பாக மாறியது.
ஷோரூம் இயக்குனர் ஆனந்த் குப்தா மிகவும் நெகிழ்ச்சியடைந்து "இது பணத்தைப் பற்றியது அல்ல. கடின உழைப்புக்கு மரியாதை அளிப்பது பற்றியது. அர்ப்பணிப்பைக் கொண்ட ஒருவருக்கு சேவை செய்வது ஒரு மரியாதை" என்றார்.
அவர்களை வரவேற்று தேநீர் வழங்கி, ஊழியர்களிடம் நாணயங்களை எண்ணத் தொடங்கச் சொன்னார் குப்தா. ரூ.40,000க்கு நாணயங்கள் இருந்த நிலையில் மீதமுள்ள தொகைக்கு கடன் பெறலாம் என்று பஜ்ரங் ராம் கூறினார்.
ஆவணங்கள் முடிந்ததும், அவரது மகளிடம் புதிய ஹோண்டா ஆக்டிவாவின் சாவி ஒப்படைக்கப்பட்டது.
பின்னர், "இது என் வாழ்க்கையின் மகிழ்ச்சியான நாள்," என்று சாவியை பிடித்தபடி கூறினார் விவசாயியின் மகள்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
புங்குடுதீவு 11ம் வட்டாரம், புங்குடுதீவு 10ம் வட்டாரம், Montreal, Canada
25 Oct, 2020
புங்குடுதீவு 5ம் வட்டாரம், வேலணை கிழக்கு, சுவிஸ், Switzerland
26 Oct, 2018
அராலி மேற்கு வட்டுகோட்டை, வேலணை 5ம் வட்டாரம், புத்தளம், Bergisch Gladbach, Germany
21 Oct, 2025
புங்குடுதீவு 2ம் வட்டாரம், புங்குடுதீவு 12ம் வட்டாரம், Markham, Canada
17 Oct, 2024